وەزارەتا ساخلەمییا عیراقێ ل هەیڤا چار یا ئەڤسالە نەخۆشخانەك بۆ بكارهێنەرێن ماددێ هۆشبەر ڤەكرییە، هەتا نوكە پێشوازی ل نێزیكی 40 نەخۆشان هاتییەكرن كو ئەو بخۆ چووینە نەخۆشخانێ و ئەڤ نەخۆشخانە پشكەكا تایبەت ب ئافرەتانڤە بخۆڤە دگریت.
عەبد ئەلكەریم سدیق كەریم، ڕێڤەبەرێ نەخۆشخانا بكارهێنەرێن ماددێ هۆشبەر گۆت، هەر ژ ژیێ 14 بۆ 15 سالییێن نەخۆش دێ هێنە وەرگرتن، پتریا وان نەخۆشێن مە د ژیێ 20 سالییێ دانە.
حكومەتا عیراقێ د ڕاگەهاندنەكێدا دیار دكەت، د نوكەدا سێ سەنتەر ل پارێزگەهێن ئەنبار، كەركووك و نەجەف هاتیینە ڤەكرن.
