خانی نیوز:
حكومەتا هەرێما کوردستانێ دڤێت کێشا چەند سالێن بورى یا جۆتیاران چارەسەربکهت، بۆ ڤێ مەبەستێ ژى ل سنۆرێ پارێزگهها هەولێرێ بەرێ بنیاتىدێ بۆ چەندین پرۆژێن ستراتیژی هێته دانان.
وەزارەتا چاندنێ ل ههیڤاتهباخێ یا ئهڤساله گرێبەست ل گەل سێ کۆمپانیان ئیمزا كریه بۆ بازارکرنا گەنمێ جۆتیاران و لسەر وى بناغهى دێ سالانە 500 هزار تهنێن گەنمى ژ جۆتیاران کڕێت.
لدویڤ وێ گرێبەستىێ، ئەو ههرسێ کۆمپانیه دێ، سایلۆ، ئاش و کارگههێن دیتر یێن پەیوەندیدار ل باژێرێن هەولێر و سلێمانیێ و دهۆکێ دامەزرینن.
بێگەرد تالەبانی، وەزیرا چاندنێ و ژێدهرێن ئاڤێ بەرێ بنیاتى بۆ وان ههرسێ كارگههان دانا و راگههاند،ئهڤه پرۆژه دێ بیته رێخۆشكهر بۆ كرینا گەنمێ جۆتیاران بقهبارێ 500 هزار تهنان و گاڤهكا مهزنه بۆ دابینکرنا ئاسایشاخوارنێ.
ل هەرێما کوردستانێ 39 ئاش هەنه، ههیڤانە 62 هزار تهنێن گەنمى دکەنە ئارو د سالهكێ دا نێزیکی 650 هزار تهنێن ئارى بەرهەم دئینن، ههروهسا نێزیکی 90% یا نانپێژ و سەمونخانان ئارێ سفر ب كار دئینن، بازرگان ژى سالانە نێزیکی 760 هزار تهنێن ئارێ سفر، كو بهایێ وى پتره ژ 90 ملیۆن دۆلاران ژ دهرڤه دئینن.
بەرهەمێ ئهڤ ساله یێ گەنمێ جۆتیاران نێزیکی 2 ملیۆن تهنان بوو، ئیراقێ ب تنێ 390 هزار تهن كریبوون، دهێته پێشبینی كرن ئهڤ ساله ژى ههرێما كوردستانێ دو ملیۆن و 426 هزار و 962 تهنان بهرههم بینیت:
هەولێر 759,924 تهن
سلێمانی 811,433 تهن.
دهۆك 624,857 تهن.
هەلەبجە 62,574 تهن.
گەرمیان 162,263 تهن.
