ئه‌پلیكه‌یشنێ ته‌له‌گرامى ل عیراقێ دێ هێته‌ قه‌ده‌غه‌ كرن

وه‌زاره‌تا گه‌هاندنا عیراقێ دیار كر، ئه‌پلیكه‌یشنێ ته‌له‌گرامى دێ هێته‌ قه‌ده‌غه ‌كرن و بڕیار ژى بۆ پاراستنا ئاسایشا گشتى و زانیاریێن كه‌سى یێن وه‌لاتییانه‌.

ئه‌ڤرۆ ئێكشه‌مبی 6 ی ته‌باخا 2023 ێ” وه‌زاره‌تا گه‌هاندنا عیراقێ ئاشكرا كر، ل سه‌ر داخوازى و پێشنیازا ده‌ستهه‌لاتێن بلند و په‌یوه‌‌ندیدار ب ئاسایشا ئێمناهیێ ڤه‌، بڕیار هاتییه‌ دان ئه‌پلیكه‌یشنێ ته‌له‌گرامى بهێته‌ قه‌ده‌غه ‌كرن” چونكی ب رێیا ته‌له‌گرامى زانیاری یێن كه‌سى یێن وه‌لاتییان هاتینه‌ دزین و به‌رۆڤاژى قانوونێ مامه‌له‌ ل گه‌ل هاتییه‌ كرن” هه‌روه‌سا‌ گه‌له‌ك زانیارى یێن فه‌رمى یێن ده‌وله‌تێ ژى ب رێیا وى به‌رنامه‌یى ده‌ركه‌فتینه‌ و مه‌ترسى ل سه‌ر ئاسایشا وه‌لاتى و ئاشتییا جڤاكى دروست كرییه‌.

وەزارەتا گەهاندنا عێراقێ گۆت ژی” رێزێ ل مافێن وه‌لاتییان دگرین ل ئازادییا رادەبڕینێ و گەهاندنێ، بێی كو دەستی ببه‌نه ئاسایشا دەوڵەتێ و سازی یێن وێ.