مه‌سرور بارزانى و كونسۆلێ گشتییێ نوو یێ هندستانێ ل هه‌رێما كوردستانێ كۆمبوون

مه‌سرور بارزانى سه‌رۆكوه‌زیرێن هه‌رێما كوردستانێ دگه‌ل مادان گۆپال كونسۆلێ گشتییێ نوو یێ هندستانێ ل هه‌رێما كوردستانێ كۆمبوو.

دكۆمبوونێدا، مه‌سرور بارزانى پیرۆزباهییا ده‌ستبكاربوونێ ل كونسۆلێ گشتییێ نوو یێ هندستانێ كر و هیڤییا سه‌ركه‌ڤتنێ دئه‌ركێ ویدا بۆ خواست.

سه‌رۆكوه‌زیرێن هه‌رێما كوردستانێ هه‌موو پشته‌ڤانییه‌كا حكومه‌تا هه‌رێما كوردستانێ بۆ كونسۆلێ نوو ژ پێخه‌مه‌ت پێشڤه‌برنا زێده‌تر یا په‌یوه‌ندییێن دناڤبه‌را هندستان و كوردستانێدا ده‌ربری.

هه‌ر دوێ دیدارێدا، كونسۆلێ گشتییێ نوو یێ هندستانێ سوپاسى و هه‌ماهه‌نگى و هاریكارییا حكومه‌تا هه‌رێما كوردستانێ دگه‌ل كونسۆلخانه‌یا وه‌لاتێ خوه‌ كر، حه‌زا پێشڤه‌برنا په‌یوه‌ندییێن دوولایانه‌ دووپاتكر.