سەرۆك بارزانی پێشوازی ل بالیۆزێ نوو یێ بریتانیا ل عێراقێ كر

ئه‌ڤرۆ سێشەمبی 8 ی ته‌باخا 2023 ێ” ل سەلاحەدین، سەرۆك مەسعود بارزانی پێشوازی ل ستیڤن هیتچن بالیۆزێ نوو یێ بریتانیا ل عێراقێ كر.

د وێ دیدارێ دا” خانم رۆزی كەیڤ كونسولا بریتانیا ل هەولێرێ ئامادە ببوو، بیروڕا ده‌ربارەیی ره‌وشا عێراقێ و ده‌ڤه‌رێ و دووماهی پێشهاتێن دناڤا پڕۆسا سیاسییا عێراقێ و پەیوەندی یێن دناڤبه‌را هەرێمێ و بەغدا و سەره‌دانا شاندێ پارتی بۆ دانوستاندنان ل گەل لایەنێن سیاسی یێن عێراقێ هاتنه‌ لێك گۆهارتن.

هەروه‌سا ره‌وشا سیاسییا هەرێما كوردستانێ هاته‌ به‌حس كرن و ته‌كه‌زی ل سه‌ر پێدڤییا ئه‌نجامدانا هەلبژارتنێن هەرێما كوردستانێ هاته‌ كرن.

بالیۆزا بریتانیا ل عێراقێ خۆشحالییا خۆ دەربڕی كو ئەو ئەركێ پێ هاتییه‌ سپاردن ل عێراقێ كار بكه‌ت و د ده‌مێ كاركرنێ دا ل گەل سەركرداتییا سیاسییا هەرێما كوردستانێ دێ د پەیوەندییان دا بیت.

هەروەسا پشته‌ڤانییا وه‌لاتێ خۆ بۆ پڕۆسا سیاسییا هەرێمێ و ئه‌نجامدانا هەلبژارتنان و به‌رفره‌هكرنا پەیوەندی یێن دناڤبه‌را هەردو ئالییان دا گه‌هاندنه‌ سەرۆك بارزانی.