نوونهرێ كۆمهلا پهنابهرێن ڤهگهریایى دبێژیت : سێ رۆژه زێدهتر ژ 50 كۆچبهران ژ توركیا ب مهرهما گههشتن بۆ ئیتالیا ب رێككهڤتینه، لێ ل بهرئاڤێن ناڤپلیۆن ئاسێ بووینه.
پێشرهو عهبدولا نوونهرێ كۆمهلا پهنابهرێن ڤهگهریایى دیاركر، ئهو كۆچبهره بههرا پتر یا وان كوردێن باشوورێ كوردستانێنه، ژ دهمژمێرێ پێنجى سپێدێ یێ ئهڤرۆ بهلهما وان ل باشوورێ رۆژئاڤایێ بهرئاڤێن ناڤپلیۆن ئاسێ بوویه.
ل دووڤ ئاخڤتنێن پێشرهو عهبدولاى، نێزیكى 12 زارۆك و شهش ژنان دگهلدانه، پشتى ژ كاركهڤتنا بهلهما وان پشكهكا وان و پشكهكا كهسوكارێن وان پهیوهندى كرییه بۆ هندێ دههوارا وان بچن و دبێژیت : بههرا پتر یا وان كۆچبهران خهلكێ قهلادزێ و حاجیاوانه.
ئاماژه به هندێ دا، وان هێزێن دهریاڤانا ئاگههداركرینه و مژوولى قورتالكرنا وانن.
