شارەزایەكێ سەقاناسییێ ڕاگەهاند، پشتی 14 ڤێ هەیڤێ ئەڤ پێلا گەرمێ یا توند نامینیت.
محەمەد كەمال، شارەزایێ سەقاناسییێ دیار كر، بلندبوونا پلەیێن گەرمێ ل هەرێمێ ب گشتی و ل سنۆرێ گەرمیان ب تایبەتی، دێ هەتا 14 هەیڤێ یا بەردەوام بیت و پشتی وێ ڕۆژێ گەرمی ب ڤێ توندییا نوكە هەی نامینیت.
ناڤهاتی دیار ژی كر، ئەگەرێ هاتنا ڤێ پێلا گەرمێ بارستە هەوایەكێ گەرمە ژ باشوورێ ئەفریقیا و زەریا هندی بۆ دەڤەرێن عیراقێ و هەرێما كوردستانێ. چەقێ كارتێكرنا وێ ژی ل دوو ڕۆژێن بووری دەستپێكریە و دێ هەتا 14 هەیڤێ یا بەردەوام بیت. دگەل هاتنا وێ پێلێ ژی ڕێژەیەكا مەزن یا شەهێ دگەل هاتییە و بوویە ئەگەر گەرمییەكا ئێكجار مەزن دروست ببیت. پشتی 16 هەیڤێ پلەیێن گەرمێ دێ داكەڤن، لێ ژبەر هەبوونا ڕێژەیەكا مەزن یا شەهێ دێ هەر هەست ب گەرمێ هێتەكرن، ل 26 هەیڤێ ژی گەرم دێ لاوازبیت و ب ڕەنگەكێ گشتی پلەیێن دێ نزم بن.
