وه‌زاره‌تا خواندنا بلند و ڤه‌كۆلینێن زانستى یا هه‌رێما كوردستانێ ده‌لیڤێن خواندنا ماسته‌ر و دكتۆرایێ ل وه‌لاتێ كۆریا باشوور راگه‌هاندن.
د راگه‌هاندنه‌كا وه‌زاره‌تا خواندنا بلند دا هاتیه؛ كۆریا باشوور د كڤانێ هه‌ماهه‌نگییا دناڤبه‌را وه‌زاره‌تا پلاندانانێ و سه‌نته‌رێ گه‌شه‌پێدانا نێڤده‌وله‌تى یا كۆریا باشوور KDI Scholl كورسی یێن خواندنا ماسته‌ر و دكتۆرایێ د بیاڤێن (سیاسه‌تا گشتى، سیاسه‌تا گه‌شه‌پێدانێ، برێڤه‌برنا گشتى و مولكداریا هزرى) دا ل زانكۆیێن كۆریا باشوور ته‌رخانكرینه.
مه‌رجێن خواندنا ماسته‌رێ ئه‌ڤه‌نه:
. پێشكێشكار فه‌رمانبه‌ر یان مامۆستا بیت ل سازی یێن هه‌رێما كوردستانێ.
. ب كێماسى دو سالێن خزمه‌تێ هه‌بن پشتى بده‌ستڤه‌ئینانا باوه‌رناما به‌كالۆریۆسێ.
. كۆ نمره‌یێن به‌كالۆریۆسێ ژ 65 نمران كێمتر نه‌بیت.
. د هه‌مان بیاڤێ خۆ دا پێشكێشى ماسته‌رێ بكه‌ت.
مه‌رجێن خواندنا دكتۆرایێ:
. پێشكێشكار فه‌رمانبه‌ر یان مامۆستا بیت ل سازی یێن هه‌رێما كوردستانێ.
. ب كێماسى دو سالێن خزمه‌تێ هه‌بن پشتى بده‌ستڤه‌ئینانا دویماهیك باوه‌رنامه لێ بۆ ده‌رچوویێن به‌رنامه‌یێ تواناسازىیێ پێدڤیه ب كێماسى 5 سالێن خزمه‌تێ هه‌بن.
. كۆ نمره‌یێن ماسته‌رێ ژ 70 كێمتر نه‌بیت.
. د هه‌مان بیاڤێ خۆ دا پێشكێشى دكتۆرایێ بكه‌ت.
وه‌زاره‌تێ دیار كرییه” كاندیدێ سه‌ركه‌فتى ژ لایێ وه‌لاتێ كۆریا باشوور ڤه” دێ پشته‌ڤانییا دارایى لێ هێته كرن.
پێشکێشکرن راستەوخۆ و ب تنێ دێ ب رێیا سایتێ سەرەکی یێ زەمالا (کۆریا باشوور) بیت.
https://www.kdischool.ac.kr/admissions/
