كار و كاروبارێن جڤاكى : كوێستان محه‌مه‌د موله‌ت وه‌رگرتییه‌ و ئاوات شێخ جه‌ناب دێ كاران ب رێڤه‌به‌ت

په‌یڤدارێ وه‌زاره‌تا كار و كاروبارێن جڤاكییا حكومه‌تا هه‌رێما كوردستانێ ره‌تكر كوێستان محه‌مه‌د وه‌زیرا كار و كاروبارێن جڤاكى ده‌ست ژ كاركێشابیت و دبێژیت: بۆ ماوێ 20 رۆژان موله‌ت وه‌رگرتییه‌ و وه‌زیرێ دارایى دێ ب وه‌كاله‌ت ل جهێ وێ كاران ب رێڤه‌به‌ت.

ئاریان ئه‌حمه‌د په‌یڤدارێ وه‌زاره‌تا كار و كاروبارێن جڤاكى ل دۆر ده‌ستبكاربوونا ئاوات شێخ جه‌ناب ل شوونا كوێستان محه‌مه‌د وه‌زیرا كار و كاروبارێن جڤاكى دیاركر، وه‌زیرا كار و كاروبارێن جڤاكى بۆ ده‌مێ 20 رۆژان موله‌تا خوه‌ یا ئاسایى وه‌رگرتییه‌ و دێ هنده‌ك پشكنینێن ساخله‌مى كه‌ت، دڤى ده‌میدا ل وه‌زاره‌تێ نابیت و ل شوونا وێ وه‌زیرێ دارایى و ئابوورى ب وه‌كاله‌ت ده‌ستبكاربوو، ئه‌و نووچه‌یێن به‌حسا ده‌ست ژ كاركێشانا كوێستان محه‌مه‌د دكه‌ن دراست نینن.