د. محه‌مه‌د شوكری: چه‌ندین پرۆژێن دیتر یێن گه‌شتییاری دێ ل زاخۆ هێنه‌ بجهئينان

ئاژانسا خانی:

ئەڤرۆ دوشه‌مبی 14 ی ته‌باخا 2023 ێ” پڕۆژێ گەشتییارییێ “کۆرنیشا دەلال” ل ئیدارا سه‌ربه‌خۆیا زاخۆ ژ لایێ سەرۆک وەزیران مەسرور بارزانی هاته‌ ڤه‌كرن، سەرۆکێ دەستەیا وەبەرهێنانێ ل حکومەتا هەرێما کوردستانێ گۆت، پڕۆژێ گه‌شتییارییێ “كۆرنیشا دەلال” ل زاخۆ، پڕۆژه‌كێ ستراتیژی گه‌شتیارییه‌ و دێ كاریگه‌رییه‌كا مه‌زن ل سه‌ر كه‌رتێ گه‌شتوگوزاریێ و ئابووری ل زاخۆ هه‌بیت” هه‌روه‌سا ب بریارا سه‌رۆك وه‌زیرێن حكومه‌ت هه‌رێما كوردستانی چه‌ندین پڕۆژێن دیتر یێن ئاكنجیبوونێ، گه‌شتیاری، بازرگانی، نه‌خۆشخانه‌ و قوتابخانه‌ دێ ل ئیدارا سه‌ربه‌خۆیا زاخۆ هێنه‌ چێكرن.

د. محەمەد شوکری، ئه‌و ژی دیار كر: هنده‌ك پڕۆژێن دیتر یێن گەشتییاری دێ ل زاخۆ و ل ده‌ڤه‌رێن دیتر یێن جۆدا یێن کوردستانێ هێنه‌ بجهئینان و دێ بنه‌ ئه‌گه‌رێ ڤه‌ژاندنا کەرتێ گەشتیاری ل وان ده‌ڤه‌ران و دێ ده‌لیڤین كاری ژی بۆ خه‌لكێ په‌یدا بن، هەروەسا نوكه‌ پڕۆژێ ماسته‌ر پلانا وه‌به‌رهێنانا زاخۆ د قووناغا دووماهییێ دایه‌ و دێ ل سه‌ر 10هزار دۆنه‌مێن ئه‌ردی هێته‌ چێكرن ب سه‌دان پڕۆژێن وه‌به‌رهێنانێ دێ تێدا هێنه‌ چێكرن.