حهلی حوسێن بهرپرسێ پهیوهندیێن نشتیمانیێن پارتى دهربارهى كۆمبوونا وان ل گهل حزبا شیوعى یا كوردستانێ د پرێسكۆنفرانسهكێ دا راگههاند: وان گهنگهشه ل دۆر هژمارهكان پرسان كریه، وهكو ئێكرێزییا ناڤخۆیی و بابهتێ چاكسازیێ و رهوشا داراییا نوكه، گۆت ژى لێكتێگههشتنهكا باش دناڤبهرا وان و حزبا شیوعى دا ههبوویه.
عهلی حوسێن دیاركر ژى: پارتى بریاردایه سهرهدانا ههمو حزب و ئالیێن كوردستانێ بكهت، ئهوێن بهشدار د حكومهتێ دا و ئهوێن ئۆپۆزسیۆن ژى، سهرهدانێن وان بۆ هندهك پرسێن گرنگه وهكو ئێكرێزییا ناڤخۆیی، رهنگه ئاریشه ژى ههبن، لێ ب دیالۆگێ و لێكتێگههشتنێ دێ شێن بهشهكا وان ناكۆكییان چارهسهركهن.
دهربارهى بهغدایێ بهرپرسێ پهیوهندیێن نشتیمانیێن پارتى راگههاند: ئهو ل بهغدایێ ب تنێ نینن، ئهو وهسا دبینن كو بهرگریكرن ژ مافێن كوردان ئهركێ پارتى و ههموو ئالیێن دییه ژى، شاندا حكومهتێ ب سهرۆكایهتییا قوباد تالهبانى ل بهغدایێ بوویه، ههموو حزب و فراكسیۆنێن دى ژى ل وێرێ بووینه، شاندا حكومهتێ نوونهراتییا حكومهتا ههرێما كوردستانێ دكهت.
ناڤهاتى گۆت ژى، ل گهل ههموو وان لایهنین سیاسى كو كۆمبووینه، خالێن ههڤبهش ههنه كو گرێداى بهرژهوهندی و پارستنا ئهزموونا ههرێما كوردستانێ یه، بۆ ڤێ یهكێ ژى تێگههشتنهكا باش ههیه.
عهلى حوسێن دهربارهى لامهركهزییا سلێمانێ گۆت: لامهركهزى بهرنامهیێ كابینهیا نههێ یا حكومهتا ههرێما كوردستانێ یه، لارمهكهزییا كوردستانێ یه و بێگومان ئهڤه دێ هێـته بجهـئینان. جهخت كر ژى كو لامهركهزى ب تنێ بۆ سلێمانیێ نینه، بهلكو بۆ ههموو پارێزگههێن ههرێما كوردستانێ یه، ل دووڤ وێ رێكهفتنا دناڤبهرا وان و ئێكهتێ و گۆرانێ دا هاتییه كرن، لامهركهزییهت دێ هێـته بجهئینان و وان لێژنه ژى بۆ درووست كریه
