ل دووڤ داخازەکا سەندیکا نۆژدارێن کوردستانێ دادگەها دهۆکێ دوو بڕیار دەرخستن

ل گۆرەی نڤیسارەکا سەندیکا نۆژدارێن کوردستانێ تايێ دهوک کو ل هەیڤا7/2023 ئاراستەی دادگەها تێهەلچوونا دهۆکێ کریە، دەربارەی دووباره کارپێکرن و ئەکتیفکرنا یاسایێن گرێدای ب نۆژدارانڤە ل دەمێ دهێنە داخازکرن وەک شارەزا یان شاهد، دیسان وەک “تومەتبار” کو ل دووڤ ماددێ (4/26) یاسایا ژمارە (6) یا سالا (2000) ئەوا ل پەرلەمانێ کوردستانێ دەرکەفتی.

دادگەها تێهەلچوونا دهۆکێ  ل رۆژا 13/8/2023 ئاراستەی هەمی دادگەهێن سنوورێ پارێزگەها دهۆکێ کریە و تێدا داخازکریە ب ڤی رەنگی سەرەدەری بهێنەکرن:

• ل دەمێ پزیشک دهێتە بانککرن ل دادگەهێ وەکو شارەزا “خبیر” یان شاهد پسوولا پێراگەیاندنێ بو وان بهێتە هنارتن ژلایێ دادگەهێ ڤە ل سەر ناڤێ ” پزیشک” یان شارەزا یان شاهد نە وەک تومەتبار و ب شێوەیەکێ روون و ئاشکرا و هەروەسا نەهێتە گیروکرن ژبەر کارێ وان یێ ب زەحمەت.

• دەمێ پزیشک دهێتە داخازکرن وەک تومەتبار بەرچاڤ بهێتە وەرگرتن مادێ (4/26) یا یاسا ژماڕە (6) یا سالا (2000) ئەوا ل پەرلەمانێ کوردستانێ دەرکەفتی ب دەقێ ( ل سەر دەستەلاتا ڤەکۆلینێ ئەوە ئاگاداریا سەندیکا نۆژداران یان تایێن وێ بکەت بەری ڤەکۆلین دەرحەق ئەندامەکی دەستپێبکەت ل تاوانێن (غیر مشهودە) و لسەر سەندیکایێ دەستنیشانا نوینەرێ خۆ بکەت ل دەمێ فەکۆلینێ).