رێڤه‌بەرێ گشتییێ رێك و پرا و ئاڤەدانکرن و ئاكنجیكرنێ ل پارێزگه‌ها دهۆکێ گۆت، ب كوژمێ 160 ملیار دیناران هژمارەكا پرۆژێن نوو یێن رێك و پرا و سه‌خبێركرنا رێیان ل دهۆکێ دهێنه بجهئینان.
شێرزاد قادر، زێده‌تر بۆ ئاژانسا خانی دیار كر: رێیا رۆڤییا و بەردەرەش بۆ جه‌مه‌یی ب درێژاهییا 35 كیلۆ مه‌تران دهێته دروست كرن” هه‌روه‌سا رییا ئاکرێ و قەندیلی دهێنه دروست کرن و رێیا کۆرا و مانگێشكێ ب درێژاهییا 20 كیلۆ مه‌تران دهێته سه‌خبێر كرن و رێیا ئالووکا و بەدریکێ ب درێژاهییا 23 كیلۆمه‌تران دهێته سه‌خبێر كرن و ئەو پرۆژه ب كوژمێ 160 ملیار دیناران دهێنه بجهئینان و بۆ ئەڤ ساله ژی 17 ملیار دینار هاتینه تەرخان کرن و ئەو پارێن مایین ژی ل سالا بهێت دێ هێنه مه‌زاختن.
