شیرەتکارێ جڤاتا ئاسایشا نەتەوەیی یا عیراقێ ڕادگەهینیت،عیراق بزاڤان دکەت ب هەڤکاریا جڤاکێ نێڤدەولەتی دوماهیێ ب دوسیەیا کەمپا هۆل بینیت، هەڤدەم پەیوەندییێن ئەمنی یێن دناڤبەرا عیراق و بریتانیا ب پێدڤی دزانیت.
ئهڤرۆ دووشهمبی 21 تەباخا 2023، نڤیسینگەها ڕاگەهندنا شیترەتکارێ جڤاتا ئاسایشا نەتەوەیی یا عیراقێ ڕاگەهاند، قاسم ئەعرەجی، شیرەتکارێ جڤاتا ئاسایشا نەتەوەیی یا عیراقێ د چوارچووڤێ پێشوازیکرن ل تۆم گندهات، وهزیرێ كاروبارێن ئاسایشا بریتانیا دوپاتی لسهر پێشڤەبرنا پەیوەندییێن دوو قۆلی یێن دناڤبەرا عیراق و بریتانیا دا ب تایبەت دەربارەی بوارێ ئاسایشێ دا کر.
ل گۆرەی ڕاگەهاندنا نڤیسینگەها شیرەتکارێ جڤاتا ئاسایشا نەتەوەیی یا عیراقێ، ئەعرەجی ڕاگەهاندیە، عیراق ب سەر تیرۆرێ دا یا سەرکەڤتی بوو، بەلێ د نوکە دا چوویە دناڤ شەڕەکێ هەوالگیری دا ب مەرەما بهێزئێخستنا ئاسایش و ئارامیا و هشککرنا ژێدەرێن تیرۆرێ و پاراستنا دەستکەفتان ل بەرامبەر تیرۆرێ.
ژ لایەکێ دیڤە، شیرەتکارێ ئاسایشا نەتەوەی یا عیراقێ دوپاتی ل وێ چەندێ کر، کو ئارمانجا عیراقێ ئەوە دوماهییێ ب دوسیەیا کەمپا هۆل بینیت و ب تایبەت بۆ ئەوێ مەرەمێ ژی هاریکارییا جڤاکا نێڤدەولەتی ب پێدڤی زانی و گۆتژی، داخستنا کەمپا ناڤهاتی بۆ ژناڤبرنا مەترسییێن وێ کەمپێ لسەر ئاسیشا دەڤەرێ.
