<h3 style="text-align: justify;"><span style="font-size: 18pt;"><strong>هەر چار سەرۆکایەتییێن عیراقێ ل مالا فایق زێدان سەرۆکێ جڤاتا بلند یا دادوەری کۆمبوون و دەرئەنجامێن دانوستاندنێن ئەمنی یێن دگەل ئەمریکا و پاراستنا خەلکێ دەڤەرێن سنووری گۆتوبێژکرن.</strong></span></h3> <h3 style="text-align: justify;"><span style="font-size: 18pt;"><strong> </strong>ئەڤرۆ چار شەمبی (23 تەباخا 2023)، نڤیسینگەها ڕاگەهاندنا محەمەد شیاع سوودانی، سەرۆکوەزیرێن عیاقێ، ڕاگەهاندنەک بەلاڤکر و تێدا هاتیە، هەر چار سەرۆکایەتییێن عیراقێ، کو پێکهاتبوون ژ هەر ئێک ژ لهتیف رهشید، سهرۆككۆمار، محهمهد شیاع سوودانی، سهرۆك وهزیران، محهمهد حهلبووسی، سهرۆكێ جڤاتا نوونهران و فایێق زێدان، سهرۆكێ جڤاتا بلند یا دادوەری، ئەنجامێ گۆتوبێژا ئەمنی یا دناڤبەرا عیراق و ئەمریکا دەربارەی داهاتوویێ هەبوونا هێزێن هەڤپەیمانان و هاریکارییێن ئەمنی و ژمارەیەکا پرسێن گرنگ د وەلاتیدا بەرچاڤکرن.</span></h3> <h3 style="text-align: justify;"><span style="font-size: 18pt;">ل گۆرەی ڕاگەهاندنەکا نڤیسینگەها سوودانی، تەوەرەکێ کۆمبوونێ تایبەت بوو ب دوسیەیا ئەمنی ڤە، د وێ چوارچووڤەی ژی دا دوپاتی ل ڤەدیتنا ڕێکێن بهێزکرنا ئیاسایشا سنووران و بلندکرنا شیانێن هێزێن ئەمنی یێن تایبەت ب پاراستنا دەڤەرێن سنووری و ئاکنجییێن وان دەڤەران کر.</span></h3> <h3 style="text-align: justify;"><span style="font-size: 18pt;">هەڤدەم، ژمارەیەکا بابەتێن دی وەک بەرهەنگاربوونا تیرۆرێ و گەندەلیێ ودوپاتیکرن لسەر پشتەڤانیکرنا کارناما حکومەتێ و پەیوەندییێن هەرێمایەتی و نێڤدەولەتی یێن عیراقێ چەند تەوەرێن دی یێن کۆمبوونێ بوون.</span></h3>
