خواندنا بلند بۆ زانكۆیان : پلانێن خوه‌ بۆ وه‌رزێ نوو یێ خواندنێ ئاماده‌ بكه‌ن

وه‌زیرێ خواندنا بلند نڤیساره‌ك ل دۆر وه‌رزێ نوو یێ خواندنا بلند ( دبلۆما بلند، ماسته‌ر و دكتۆرا ) بۆ سالا 2024 – 2025ێ ئاراسته‌یى هه‌موو زانكۆیێن حكومییێن هه‌رێما كوردستانێ كر و دخوازا ژێكر پلانێن خوه‌ ئاماده‌بكه‌ن.

د. ئارام محه‌مه‌د وه‌زیرێ خواندنا بلند و ڤه‌كۆلینێن زانستییێ هه‌رێما كوردستانێ نڤیساره‌ك ب ژماره‌ ( 16281 ) ئاراسته‌یى هه‌موو زانكۆیێن حكومییێن هه‌رێما كوردستانێ ل دۆر وه‌رزێ نوو یێ پلانا خواندنا بلند ( دبلۆما بلند، ماسته‌ر و دكتۆرایێ ) كر.

وه‌زیرێ خواندنا بلند دنڤیسارێدا داخواز ژ زانكۆیان كر، كارێ پێدڤى بۆ ئاماده‌كرنا پلانان بكه‌ن، پاشان ل جڤاتا زانكۆیێن خوه‌ په‌سه‌ند بكه‌ن و دووڤدا پلانێ ل دووڤ فۆرما هه‌ڤپێچكرى بۆ وه‌زاره‌ت، فه‌رمانگه‌ها ڤه‌كۆلین و پێشڤه‌برنێ و رێڤه‌به‌رییا خواندنا بلند ب هنێرن.

د. ئارام محه‌مه‌دى دنڤیسارێدا ئاماژه‌ ب هندێ كر، دووماهى ژڤان بۆ ئاماده‌كرنا پلانان ئێكى  چریا ئێكێ یا 2023ێ یه‌.