شرۆڤەکاره‌كێ سیاسی و ئەندامه‌كێ به‌رێ یێ پەرلەمانێ کوردستانێ دیار كر: پرانییا وان سکالایێن ل دادگه‌ها فیدرالی یێن ل دژی قەواره‌یێ هەرێما کوردستانێ هاتینه تۆمار کرن، هنده‌ك لایەنێن کوردستانی و پشكه‌ك ژ فراکسیۆنێن پشكدار د کابینا نه‌هێ یا حكومه‌تا هه‌رێمێ دا هاتینه تۆمار کرن و ئه‌و كارێ ئه‌و كه‌سه دكه‌ن ژی نه تشته‌كێ غه‌ریبه و ب تنێ ژبه‌ر چاڤ پێ نه‌رابوونا وانه و وان نه‌ڤێت هنده‌كێن دی كاره‌كێ باش بكه‌ن” هه‌ر چه‌نده زیان دگه‌هیته وان كه‌سان ژی” ئه‌ڤ دیارده ئه‌ڤه چه‌ندین ساله ل كوردستانێ هه‌یه و وه‌كو نه‌خۆشییه‌كێ لێ هاتییه دناڤا جڤاكێ مه دا.
عەبدولسەلام بەرواری، زێده‌تر بۆ ئاژانسا خانی گۆت: ئێک ژ وان هۆکارێن وه‌كری كو هەولێر و بەغدا ده‌رباره‌یی ئاریشێن هه‌لاویستی نەگەهنە رێککەفتنێ، ئه‌وه كو به‌رپرسێن عێراقێ هزرا فیدرالییه‌تێ قه‌بوولناكه‌ن و دانپێدانێ ب هندێ ناكه‌ن” كو هه‌رێما كوردستانێ د فیدرالییه‌تێ دا یا جۆدایه ژ پارێزگه‌هێن دیتر یێن عێراقێ و هه‌روه‌سا هەرێما کوردستانێ لدووڤ مادێ 121 ێ یێ دەستووری نوونەراتییا دەولەتا عێراقێ دكه‌ت ل سەر پارچەكا ئه‌ردی و هەموو دەستهه‌لات ژی هەیە، به‌لێ ئه‌ڤه ژ لایێ وەزیر، بەرپرس، سیاسەتمەدارێن عیراقێ ناهێته قه‌بوول کرن” به‌لێ حكومه‌تا هه‌رێمێ شیایه ب ره‌نگه‌كێ سه‌ركه‌فتییا ن كارێ خۆ بكه‌ت و خزمتا وه‌لاتیان ژی بكه‌ت.
ئه‌و ژی گۆت: پشتی سالا 2003 ێ، حکومەتێن ئێك لدووڤ ئێك یێن عێراقێ د سەرکەفتی نەبوون و ئاریشه د پێشکێشکرنا خزمەتگوزارییان دا هه‌بوو” له‌وما ب ره‌نگه‌كێ به‌رده‌وام خه‌لك نه رازی بوویە، د بەرامبەر ڤی چه‌ندێ دا ل هەرێما کوردستانێ، زێده‌باری ئابلۆقا ئابووری، شەرێ داعش، هاتنا ب سەدان هزار ئاوارە و پەنابەران، بەردەوام پێشکەفتن ب خۆڤه دیتییه” ئه‌ڤێ وه‌كرییه” بەردەوام بەغدا ل گەل هەولێرێ نەگه‌هیتە رێککەفتنێ” زێده‌باری چه‌ندین ئاسته‌نگان” به‌لێ حكومه‌تا هه‌ریمێ یا شیایی خۆ راگریت و ل سه‌ر وان ئاسته‌نگ و ئاریشان زال ببیت”
