یانه‌یا دهۆك پشكدارییێ د ئاهه‌نگا ئێكه‌تییا فوتبۆلا كوردستانێدا ناكه‌ت

راگه‌هاندكارێ یانه‌یا دهۆك راگه‌هاند، ئه‌و پشكدارییێ د ئاهه‌نگا  به‌لاڤكرنا خه‌لاتێن ئێكه‌تییا فوتبیۆلا كوردستانێدا ناكه‌ن، كو بریاره‌ ئه‌ڤ شه‌ڤ ئێكه‌تییا كوردستانێ د ئاهه‌نگه‌كا تایبه‌تدا خه‌لاتێن باشترینێن وه‌رزێ بوورى پێشكێشبكه‌ت.

شڤان محه‌مه‌د راگه‌هاندكارێ یانه‌یا دهۆك بۆ ئاژانسا خانى دیاركر، ل وه‌رزێ بوورى د یارییا دووماهییا كوپا كوردستانێدا به‌رامبه‌ر یانه‌یا پێشمه‌رگه‌ى هه‌ولێرێ، بێ رێزى به‌رامبه‌ر یانه‌یا وان و جه‌ماوه‌رێ وان هاتبووكرن، وان داخوازا پێرابوونێن پێدڤى ژ ئێكه‌تییێ كربوو، لێ داخوازا وان هاتبوو ره‌تكرن، وان ژى وه‌كو هه‌لویسته‌ك بریاردایه‌ پشكدارییێ د ئاهه‌نگا ئه‌ڤ شه‌ڤه‌ یا به‌لاڤكرنا خه‌لاتێن ئێكه‌تییا فوتبۆلا كوردستانێدا نه‌كه‌ن.

ژلایه‌كێ دیڤه‌ ئاشكراكر، وان خوه‌ ژ خۆلا نایابا كوردستانێ ڤه‌كێشایه‌، و پشكدارییێ د وه‌رزێ نوودا ناكه‌ن.