نەخۆشییێن دلی ژ بەربەلاڤترین ئەگەرێن مرنێ نە، لێ چەندین خوارن هەنە كو هاریكارییا پاراستنا ساخلەمییا دلی دكەن، 10 باشترین خوارن بۆ دلی:
1- كەسكاتییێن بەلگێ وان كەسك: ب تایبەت سپیناخ، جەرجیر و كەلەمی كو كالۆرییێن كێم دناڤدا هەنە و دەولەمەندن ب كانزا و دژەئوكسانان و چەندین ڤیتامینان، ژ وان ڤیتامین K، بوتاسیۆم، مەگنسیۆم، ڤیتامین A و نیترات.
2- شوفان و تۆفكێن گیایی: شوفان یا دەولەمەندە ب ڕیشالان و بیتا گلوتین كو ئاستێ كۆلستڕۆلێ دناڤ خوینێ دا نزم دكەت و توفكێن گیایی ژی كۆنترۆلێ ل سەر ئاستێ شەكرێ دناڤ خوینێ دا دكەن.
3- زەیتا زەیتۆنان: ئێك ژ گرنگترین ژێدەرێن دوهنێ ساخلەمە و ب ڕێژا 35% مەترسییا توشبوونێ ب نەخۆشییێن دلی كێم دكەت، ژبەركو یا دەولەمەندە ب دژەئوكسانان و ترشێن دوهنی یێن ب مفا بۆ ساخلەمییا دلی.
4- فێقی: دەولەمەندن ب ڤیتامین و كانزا و ماددێن خۆراكی یێن گرنگ بۆ پاراستنا ساخلەمییا دلی، ب تایبەت توی كو دەولەمەندن ب ترشێ فۆلیك، ئاسن، كالسیۆم، ڤیتامین A. پرتەقال و سێڤ كو دەولەمەندن ب پۆتاسیۆم و مەگنسیۆم.
5- پاقلەمەنی: ب تایبەت نیسك، نوك، سویا، بەزالی و فاسولی كو دەولەمەندن ب ڕیشال و ترشێ فۆلیك، ڤیتامین بی، دژەئۆكسان، مەگنسیۆم و پڕۆتین. پاقلەمەنی هاریكرن بۆ كێمكرنا دۆهنێ زیانبەخش و ڕێژا كۆلسترۆلێ زیانبەخش دناڤ خوینێ دا، كێمكرنا هەودانان و كۆنترۆلكرنا ئاستێ شەكرێ.
6- كەسكاتی: كێم دوهن و كالۆری دناڤدا هەنە و دەولەمەندن ب ڕیشالان و كانزا و ڤیتامینان، ب تایبەت باجان و سیر و پتاتا شرین.
7- چەرەز و تۆڤ: ب تایبەت تۆڤێ شییا و تۆڤێ كتان و چەرەزێن گویز، باهیڤ، فستەق و بندەق كو دەولەمەندن ب مەگنسیۆم، مەنگەنیز، ڕیشال، دۆهنێ ب مفا، ئومێگا 3، ترشێن دۆهنی.
8- شوكولاتا تاری: ئەوا كو 70% ژ كەكەوێ پێكدهێت دەولەمەندە ب دژە ئوكسانان ب تایبەت فلاڤونوید، كو هاریكارن بۆ پاراستنێ ژ نەخۆشییێن دلی، نەخۆشییا شەكرێ، جەلتا مەژی و هشكبوونا دەماران
9- چایا كەسك: ڕێژەیەكا مەزن یا دژەئوكسانان دناڤدا هەیە وەكو ڤینۆلات و كاتیكن كو ب مفانە بۆ نەهێلانا ژناڤچوونا خانان، كێمكرنا هەودانان، كێمكرنا ئاستێ كۆلستڕۆلا زیانبەخش دناڤ خوینێ دا و كێمكرنا دوهنی.
10- ئومێگا 3: خوارنا خۆراكێن دەولەمەند ب ئومێگا 3 وەك ئەڤوكادو، ماسی و هێك هاریكارن بۆ پاراستنا دلی ژ جەلتێ و كێمكرنا ئاستێ كۆلستڕۆلێ زیانبەخش و كێمكرنا ڕێژا شەكرێ دناڤ خوینێ دا.
