راگرێ كۆلیژا سانستێن سیاسى ل زانكۆیا دهۆكێ راگههاند، حكومهتا عیراقێ دهستوورى و قانوونێ بن پێ دكهت و بریاران د بهرژهوهندییا لایهنهكێ دهستنیشانكریدا د دهت، دادگهها فیدرالى بۆ سزادانا خهلكێ ههرێما كوردستانێ هاتییه دامهزراندن.
د. ههوار نێروهیى راگرێ كۆلیژا سانستێن سیاسى ل زانكۆیا دهۆكێ و شرۆڤهكارێ سیاسى بۆ ئاژانسا خانى دیاركر، حكومهتا عیراقێ ب شیوهیهكێ ئاشكرا دهستوورى و قانوونێ بن پێ دكهت و وهكو پێدڤى سهرهدهرییێ ناكهت، بریاران د بهرژهوهندییا گرۆپهكێ دهستنیشانكریدا كو شیعهیه ددهت.
دیار ژى كر، ب مبخانیڤه پارتهكا وهكو پارتى دیموكراتى كوردستان كو دانپێدانا فهرمى ل عیراقێ ههبیت، رێك پێ نههێتهدان بچیته كهركووكێ و بارهگایێن خوه ل وى باژێرى ڤهكهت، ئهڤ چهنده ب ئاشكرایى بهرۆڤاژى رێنما و قانوونێن ناڤخۆ یێن عیراقی یه، یا ژ ههموویان سهیرتر ئهوه كو دادگهها فیدرالى ئهوا بۆ سزادانا خهلكێ كوردستانێ هاتییه دامهزراندن، بریارا سهرۆكوهزیران محهمهد شیاع سوودانى یا رادهستكرنا بارهگایێن پارتى راگرت، ئهڤه وێ چهندێ دگههینیت كو حكومهتا شیعى یا عیراقێ و دادگهها فیدرالى د دهستێن حهشدا شهعبیدانه، حهشدا شهعبى ژى ب تمامى د دهستێن ئیرانێدایه،ههروهسا سهروهرییا عیراقێ و بریارێن وێ یێن سیاسى ژى د دهستێن ئیرانێدانه، ب پلان خهلكێ كوردستانێ سزا ددهن.
ل دۆر دهستهسهركرنا گهنجێن كورد ب تومهتا تیرۆرێ دیاركر، گهلهك یا دیار و ئاشكرایه، خهلكێ كهركووكێ ب گشتى و كورد ب تایبهتى دهێنه سزادان، ژبهركو خۆنیشاندان ب دژى ڤهگهریانا پارتى ژى هاتنه كرن و رێكا دناڤبهرا كهركووك – ههولێردا هاتبوو گرتن، بۆچى ئهو نههاتنه دهستهسهركرن و تومهتباركرن، ب تنێ كورد دهمێ خۆنیشاندانان دكهن، دهێنه تومهتباركرن، گهلهك یا ئاشكرایه كورد ب ههموو شێوهیان دهێنه سزادان.
ههروهسا گوت : ئهو رهوشا كهركووكێ ئالۆز دبینیت و دڤێت بهێته كۆنترۆلكرن، دڤێت قانوون و دهستوور بهێنه بجهئینان، ههلبژارتن دنێزیكن و مافێ ههر حزبهكێ یه بارهگایێن خوه ل وى باژێرى ڤهكهت، لێ ئهڤه پلانهكه داكو كورد دهستكهڤتێن باش بدهستخۆڤه نهئینن و كهركووك نهكهڤیته د دهستێن واندا.
