ل ڤان نێزیكان ناڤ نڤێسین بۆ حه‌جا 2024ێ دێ ده‌ستپێكه‌ت

رێڤه‌به‌رییا گشتییا حه‌ج و عومره‌یێ ئاشكراكر، ل ڤان نێزیكان پرۆسه‌یا ناڤ نڤێسینێ بۆ بجهئینانا فه‌ریزه‌یا حه‌جێ ل سالا 2024ێ دێ هێته‌ راگه‌هاندن.

رێڤه‌به‌رییا حه‌ج و عومره‌یێ د ئاگه‌هدارییه‌كێدا دیاركر، ئه‌و وه‌لاتییێن هه‌رێما كوردستانێ ئاگه‌هدار دكه‌ت كو ب مه‌ره‌ما ناڤ نڤێسینا حه‌جییان دنوكه‌دا سه‌ره‌دانا نڤێسینگه‌هێن حه‌ج و عومره‌یێ نه‌كه‌ن، ل پاشه‌رۆژه‌كا نێزیك پشتى تمامكرنا رێكارێن كارگێرى، رێڤه‌به‌رییا گشتییا حه‌ج و عومره‌یێ دێ د پرێسكۆنفرانسه‌كیدا ناڤ نڤێسینا حه‌جییان و رێنمایان راگه‌هینیت.