ئەڤرۆ دوشەمبی 4/9/2023 ێ، مەسرور بارزانی، سەرۆکێ حکومەتا هەرێما کوردستانێ، پێشوازی ل شانده‌كێ پەرلەمانێ کەنەدا ب سەرۆکاتییا پەرلەمانتار، تۆم کیمج کر.
سەرۆکێ شاندێ پەرلەمانتارێن کەنەدا، کورتییه‌ك دەربارەیی کار و چالاکییێن گرووپێ پەرلەمانتارێن دۆستێن کوردان ل پەرلەمانێ کەنەدا به‌ر‌چاڤ كر” كو هژمارەك ژ پەرلەمانتارێن پرانییا پارتێن کەنەدا پێکهاتییە و ئارمانجا وان پشته‌ڤانییا دۆزا کوردییه و پێشخستنا پەیوەندییێن کەنەدا و هەرێما کوردستانێیە .
وی شاندی ستایشا ره‌وشا پێكڤە ژیانا ئاشتییانە و ئازادییا ئایینی و ئازادییا ڕاگەهاندنێ ل هەرێما کوردستانێ کر” كو هه‌ڤشێوێ وێ ئازادییێ یه یاكو ل کەنەدا هەیی .
سەرۆکێ حکومەتێ سوپاسییا کەنەدا کر بۆ هاریکاری و پشته‌ڤانییێ ل هەرێما کوردستانێ ب تایبەتی د شەرێ دژی تیرۆریستێن داعشێ دا ن هه‌روه‌سا سەرۆکێ حکومەتێ رۆناهی خستە سەر داوی پێشهات و پێشخستنا پەیوەندییان ل گەل حکومەتا فیدرالی و گۆت” هەرێما کوردستانێ هەموو پابەندییێن خۆ د چارچۆڤێ دەستووری دا بجهئیناینه، بەلێ جهێ داخ و نیگەرانییەکا زۆرە، کو ب شێوەكێ زۆرێ نه‌رەوا و بەرۆڤاژی دەستووری، مافێن خەلكێ کوردستانێ دهێنه پێشێل کرن و رێز ل ڕێککەفتنا دناڤبه‌را لایەنێن پێکهێنەرێن حکومەتێ و ئەجندایێن حکومەتێ ناهێنه گرتن” كو ل جڤاتا نوونه‌رێن عێراقێ ب زۆرینەیا دەنگان هاتییه پەسەند کرن.
سەرۆکێ حکومەتێ گۆت ژی” خه‌لكێ کوردستانێ ب چ ره‌نگان، دەستبەرداری مافێن خۆ یێن ڕەوا و دەستووری نابیت و ملکەچی چ فشار و هێرشێن وان لایەنان نابیت ، یێن کو دڤێت عێراقێ ڤه‌گەریننەڤه سەردەمێ دکتاتۆری و ترساندنا گەلێ کوردستانێ.
