<h3 style="text-align: justify;"><span style="font-size: 18pt;">وهزیرێ دارایى و ئابوورییێ ههرێما كوردستانێ دیاركر، ل دووڤ قانوونا بودجهی، ههموو ههیڤان تریلیۆنهك و 300 ملیار دینار مافێ حكومهتا ههرێما كوردستانێ نه، پشتى كو دانوستاندنان ئهنجام نهبووین، عیراق هاته سهر میكانیزما قهران كو 500 ملیار دینارن و تێرا مووچهى ناكهن، ژبهركو داهاتێ نهفتێ نینه.</span></h3> <h3 style="text-align: justify;"><span style="font-size: 18pt;">ئاوات شێخ جهناب وهزیرێ دارایى و ئابوورییێ ههرێما كوردستانێ ل دۆر رێككهڤتنا دگهل بهغدا ئاماژه ب هندێ كر، ل سهردهمێ عادل عهبدولمههدى ( سهرۆكوهزیرێن پێشتر یێ عیراقێ ) حكومهتا ههرێما كوردستانێ رێككهڤتن دگهل حكومهتا عیراقێ ههبوو، لێ نههاته بجهئینان و دووڤدا ل 2023ێ رێككهڤتن ل دۆر ههموو وان ژمارهیان كر، یێن د قانوونا بودجهیدا ههین، لێ دووباره نههاته بجهئینان.</span></h3> <h3 style="text-align: justify;"><span style="font-size: 18pt;">ئاوات شێخ جهنابى گوت : سهرجهمێ گشتییێ پشكا ههرێمێ كو د قانوونا بودجهیدا هاتییه پهسهندكرن، دگههشته 16 ترلیۆن دیناران، كو 13 تریلیۆن و نیڤ خهرجییێن تهشغیلینه، لێ پشتى ل ههیڤا شۆباتێ دووماهى رێككهڤتن ل سهر قانوونێ هاتییه كرن، ل ههیڤا نیسانێ ب ئامادهبوونا ههردوو سهرۆكێن جڤاتێن وهزیران ئهو رێككهڤتنه هاته ئیمزاكرن و ژلایێ چارچووڤێ ههماههنگییێ ڤه و ل جڤاتا وهزیران ژى هاته پهسهندكرن و چوو لژنهیا دارایى و ل وێرێ نهكو ب تنێ ژماره، بهلكو دهقێن رێككهڤتنێ ژى هاتنه گوهۆرین، كو بوو ئهگهرێ هندێ مافێن دهستوورییێن ههرێما كوردستانێ بهێنه پێشل كرن و قانوونا بودجهى ئاریشه بۆ ههرێمێ و وهزارهتا داراییا عیراقێ ژى دروستكرن.</span></h3> <h3 style="text-align: justify;"><span style="font-size: 18pt;">ل دووڤ ئاخڤتنێن وهزیرێ دارایى و ئابوورییێ ههرێما كوردستانێ، قانوونا بودجهیى ستهمهكا مهزن ل كوردان كر و دبێژیت: پشتى زنجیرهیهكا كۆمبوونان، نوكه ئاریشهیهك دروستبوویه ئهنجامێن وێ وهسا دهركهڤتن، شایستهیێن حكومهتا ههرێما كوردستانێ كو ل دووڤ قانوونا بودجهى دڤێت ههموو ههیڤان تریلیۆنهك و 300 ملیار دینار بن، نهماینه، ب خهرجییێن فعلى سهرهدهرى دگهلدا دهێتهكرن، ههرێما كوردستانێ ژ پارێزگههێن عیراقێ هاتییه دهركرن.</span></h3>
