سهرۆكێ تیما رۆژنامهڤانییا كۆمیسیۆنا بلندا سهربهخۆ یا ههلبژارتنێن عیراقێ دبێژیت: ل حهفتییا داهاتى خشتهیێ كاركرنێ یێ كۆمیسیۆنا عیراقێ بۆ ههلبژارتنێن پهرلهمانێ كوردستانێ دێ تمام بیت و هێته راگههاندن، ئاماژه ب هندێ ژى دا، ههتا نوكه ل ههرێما كوردستانێ زێدهتر ژ 221 هزار كارتێن بایۆمهترى هاتینه دهركرن.
عیماد جهمیل سهرۆكێ تیما رۆژنامهڤانییا كۆمیسیۆنا بلند سهربهخۆ یا ههلبژارتنێن عیراقێ دیاركر، پشتى چلهیا ئیمام حسێنى تمام دبیت، كۆمسیۆنا عیراقێ دێ سهرهدانا ههرێما كوردستانێ كهت، یان ژى لژنهیهك ژ سهرۆكایهتییا ههرێما كوردستانێ دێ سهرهدانا كۆمسیۆنێ ل بهغدا كهت و ل دۆر بهرههڤییێن ههلبژارتنێن پهرلهمانێ كوردستانێ كۆمبن.
ل دووڤ ئاخڤتنێن عیماد جهمیلى، كۆمسیۆنا عیراقێ نوكه مژوولى ئامادهكرن و دانانا خشتهیێ كاركرنێ یه بۆ ب رێڤهبرنا ههلبژارتنێن ههرێما كوردستانێ، ژبهركو دبیت بهرنامهیێ كۆمیسیۆنێ ههموو بهێته ئامادهكرن و ئهندام بهێنه پهسهندكرن، رهنگه ل حهفتییا بهێت تمام ببیت و خشتهیێ كاركرنێ رابگههینن.
ل دۆر وان كهسێن سهرهدانا بنگههان كرى و كارتا بایۆمهترى دهركرى و تۆمارێن خوه نووكرین، عیماد جهمیلى گوت: ژ 13ى تهباخێ ل ههولێری 91 هزار و 482 كهسان ل، ل سلێمانییێ 87 هزار و 869 و ل پارێزگهها دهۆكێ ژى 41 هزار و 723 كهسان كارتا بایۆمهترى دهركرییه كو سهرجهمێ گشتى دبیته 221 هزار و 74 كهس.
