دێ ده‌ست ب دروستكرنا پرۆژه‌یێ ئاڤا ئاكرێ هێته‌كرن

ل سه‌ر فه‌رمانا مه‌سرور بارزانى سه‌رۆكێ حكومه‌تا هه‌رێما كوردستانێ، پرۆژه‌یێ ئاڤا ئاكرێ دێ ده‌ستپێكه‌ت و وه‌زیرێ باژێرڤانى و گه‌شتوگوزارێ ژى دبێژیت : ئه‌ڤ پرۆژه‌ ئێك ژ پرۆژه‌یێن ستراتیجییێن حكومه‌تا هه‌رێما كوردستانێه‌ و دێ ئاڤا ڤه‌خوارنێ بۆ ئاكرێ و چه‌ند ده‌ڤه‌رێن دییێن وى سنۆرى دابین كه‌ت.

ساسان عه‌ونى وه‌زیرێ باژێرڤانى و گه‌شتوگوزارێ ب مه‌ره‌ما ژ نێزیك ئاگه‌هداربوون و دووڤچوونا پێنگاڤێن ده‌ستپێكرن و له‌زكرن د تمامكرنا پرۆژه‌یێ ئاڤا ئاكرێدا كر.

ساسان عه‌ونى ئاماژه‌ ب هندێ كر، پرۆژه‌یێ ئاڤا ئاكرێ ئێك ژ پرۆژه‌یێن ستراتیجی و مه‌زن یێن حكومه‌تا هه‌رێما كوردستانێیه‌، مه‌سرور بارزانى سه‌رۆكێ حكومه‌تا هه‌رێما كردستانێ به‌رده‌وام دووڤچوونێ بۆ تمامكرنا پرۆژه‌ى دكه‌ت.

پرۆژه‌یێ ئاڤا ئاكرێ دئێك ده‌مژمێردا شیانێن به‌رهه‌مئینانا 3000 میترێن سێجایێن ئاڤێ هه‌یه‌، كوژمێ گشتییێ بجهئینانا پرۆژه‌ى نێزیكى زێده‌تر ژ 100 ملیار دینارایه‌ و دێ ئاریشه‌یا ئاڤێ ل ئاكرێ چاره‌سه‌ر كه‌ت.