<h3 style="text-align: justify;"><span style="font-size: 18pt;">ره‌ڤه‌ندا كوردى ل له‌نده‌ن خۆنیشاندانه‌ك بۆ پشته‌ڤانیكرنێ ل خه‌لكێ كه‌ركووكێ و ئیدانه‌كرنا شه‌هیدبوونا وه‌لاتییێن كورد ل وى باژێرى كر، كو ژبلى كوردێن هه‌موو پارچه‌یێن كوردستانێ، خه‌لكێ دیژى پشكداری دوێ خۆنیشاندانێدا كر.</span></h3> <h3 style="text-align: justify;"><span style="font-size: 18pt;">ئه‌ڤرۆ سێشه‌مبى 5ى ئه‌یلولا 2023ێ ره‌ڤه‌ندا كوردى ل به‌رامبه‌ر بالیۆزخانه‌یا عیراقێ ل له‌نده‌نا پایته‌ختێ بریتانیا خۆنیشاندانه‌ك بۆ پشته‌ڤانیكرنێ ل خه‌لكێ كه‌ركووكێ و ئیدانه‌كرنا شه‌هیدبوونا وه‌لاتیێن كورد ل وى باژێرى كر، كو ژبلى كوردان، خه‌لكێ دیژى پشكداربوو و پشته‌ڤانییا خوه بۆ هه‌رێما كوردستانێ نیشاندا.</span></h3> <h3 style="text-align: justify;"><span style="font-size: 18pt;">خۆنیشانده‌ران هه‌لویستێ حكومه‌تا عیراقێ به‌رامبه‌ر نه‌هنارتنا شایسته‌یێن داراییێن هه‌رێما كوردستانێ د بودجه‌یا فیدرالدا ئیدانه‌كر، هه‌ڤده‌م دگوت: دێ نڤیساره‌كێ گه‌هیننه به‌رپرسێن بالیۆزخانه‌یا عیراقێ ل له‌نده‌ن كو ناڤه‌رۆكا وێ یا تایبه‌ته ب ره‌وشا كوردان ل كه‌ركووكێ و هه‌لویستێ عیراقێ به‌رامبه‌ر شایسته‌یێن داراییێن هه‌رێما كوردستانێ.</span></h3> <h3 style="text-align: justify;"><span style="font-size: 18pt;">رێكخه‌رێن خۆنیشاندانێ راگه‌هاند، ئه‌وا ل كه‌ركووكێ روو د ده‌ت، درێژه‌پێدانه ب پرۆسه‌یا جینۆسایدكرنا كوردان ل سه‌رده‌مێن جۆدا یێن عیراقێ، دووپاتى ل هندێ ژى كر، وان دڤێت دخۆنیشاندانێدا په‌یاما نه‌رازیبوونێ بگه‌هیننه به‌رپرسێن بالیۆزخانه‌یا عیراقێ ل له‌نده‌ن.</span></h3>
