کەنعانی: دەمێ بجهئینانا ڕێککەفتنا ئەمنی دگەل عیراقێ ناهێتە درێژکرن

پەیڤدارێ وەزارەتا دەرڤە یا ئیرانێ ڕاگەهاندیە، سۆبەهی دەمێ بجهئینانا ڕێککەفتنا ئەمنی دگەل عیراقێ دێ ب دوماهی هێت و دەم ناهێتە درێژکرن.

ئەڤرۆ دووشەمبی 18 ئه‌یلوولا 2023، ناسر كەنعانی پەیڤدارێ وەزارەتا دەرڤە یا ئێرانێ، د کۆنگرەیەکێ ڕۆژنامەڤانی یێ حەفتیانە دا دیارکر، پشکەک ژ ڕێککەفتنا ئەمنی یا تیبەت ب پاراستنا سنووران ڤە ژ لایێ عیراقێ ڤە هاتیە بجهئینان.

كەنعانی گۆتژی: دوماهی دەمێ ڕێککەفتنێ سۆبەهی سێشەمبییێ یە و ئیران ب چ ڕەنگان ئەوی دەمی درێژ ناکەت، چونکی ئاسایشا سنووران ئێک ژ ئەوان پرسایە کو ئیران پێداگیریەکا جددی لسەر دکەت و ب تایبەت ژی ئەو دەڤەرێن کو پێشتر بوردومانکرین.

رۆژا 19 ئادارا 2023، عیراق و ئێرانێ د چوارچووڤێ سەرەدانا عەلی شەمخانی سکرتێرێ وی دەمی یێ جڤاتا ئاسایشا نیشتیمانی یا ئیرانێ و قاسم ئەعرەجی شیرەتکارێ ئاسایشا نیشتمانی یا عیراقێ، نڤیسارەکا ئەمنی یا هەڤپشک ئیمزا کر، کو تایبەت بوو ب هەماهەنگییا ژ روویێ پاراستنا سنوورێن دناڤبەرا هەردوو وەلاتاندا.