هێزێن ئاسایشێ تۆڕەكا بازرگانیكرنێ ب ماددەیێن بێهۆشكەر ده‌سته‌سه‌ر كر

ل هەولێرێ هێزێن ئاسایشێ سێ تومەتبارێن مەترسیدار دەستەسەركرن كو كارێ وان كرین و فرۆتنا ماددەیێن بێهۆشكەربوو.

رێڤەبەرییا نەهێلانا ماددەیێن بێهۆشكەردا دراگه‌هاندنه‌كێدا دیاركر، ل رۆژا 19ى ئه‌یلولا 2023ێ پشتى وه‌رگرتنا فه‌رمانا دادوه‌رێ ئاسایشێ ل سه‌ر تۆڕه‌كا بازرگانیكرنێ ب مادده‌یێن بێهۆشكه‌ر، تیمه‌كا رێڤه‌به‌رایه‌تییا وان ب هه‌ڤكارى دگه‌ل رێڤه‌به‌رییا ئاسایشا هه‌ولێر و كه‌ركووكێ شیان سێ تومه‌تبارێن مه‌ترسیدار ل هه‌ولێرێ ده‌سته‌سه‌ربكه‌ن.

ئاماژه‌ ب هندێ ژى دا، ئه‌وان تومه‌تباران پێشینه‌یا تاوانان هه‌یه‌ و كارێ كرین و فرۆتنا مادده‌یێن بێهۆشكه‌ر دكه‌ن.

ئاشكرا ژى كر، ده‌ست ب سه‌ر ئێك كیلۆیا مادده‌یێ بێهۆشكه‌ر ژ جۆرێن كریستال و تریاك و جامایكا دگه‌ل كوژمه‌كێ پاره‌یێ سه‌خته‌ و ژماره‌یێن ترۆمبێلان یێن سه‌خته‌ دگه‌ل رۆمانه‌یه‌ك و چه‌ند چه‌كێن جۆره‌وجۆر دا هاته‌ گرتن.