<h3 style="text-align: justify;"><span style="font-size: 18pt;">وهزارهتا خواندنا بلند دووپاتكر، ئهڤ ساله ژبلى وهرگرتنا ههموو ئهو خوێندكارێن دهرچووین، نێزیكى حهفت هزار دهرچوویێن سالێن بوورى ژى ل زانكۆ و پهیمانگههان هاتینه وهرگرتن.</span></h3> <h3 style="text-align: justify;"><span style="font-size: 18pt;">رێڤهبهرێ گشتییێ خواندن و پلاندانانێ ل وهزارهتا خواندنا بلند و ڤهكۆلینێن زانستى دیاركر، ئهڤ ساله پلانا وهرگرتنا 63 هزار و 13 دهرچوویان ههبوو، لێ 37 هزار و 290 دهرچوویان داخوازى پێشكێشكربوون، ژ وێ ژمارهیێ ژى 36 هزار و 90 دهرچوو هاتینه وهرگرتن، ئهوێن نههاتینه وهرگرتن ژى دێ هێنه وهرگرتن.</span></h3> <h3 style="text-align: justify;"><span style="font-size: 18pt;">د. خهبات ئهحمهد رێڤهبهرێ گشتییێ خواندن و پلاندانانێ ل وهزارهتا خواندنا بلند و ڤهكۆلینێن زانستى د پرێسكۆنفرانسێ وهرگرتنا دهرچوویێن پۆلا 12ێ ئامادهیدا دیاركر، ئهڤ ساله وهكو سێ سالین بوورى، تماما دهرچوویان یێن داخوازى پێشكێشكرى، دێ ل زانكۆ و پهیمانگههێن حكومى هێنه وهرگرتن.</span></h3> <h3 style="text-align: justify;"><span style="font-size: 18pt;">ئاشكرا ژى كر، دوو هزار و 598 دهرچوویێن سالا 2022ێ دگهل شهش هزار و 882 دهرچوویێن سالێن پێشتر داخوازكر ل زانكۆ و پهیمانگههان بهێنه وهرگرتن، كو سهرجهمێ پێشكێشكاران ژ كورسییێن خواندنێ كێمتربوو.</span></h3>
