<h3 style="text-align: justify;"><span style="font-size: 18pt;">په‌یڤدارێ رێڤه‌به‌رییا به‌ره‌ڤانییا باژێرى ل پارێزگه‌ها دهۆكى راگه‌هاند، ئه‌ڤرۆ 20/9/2023ێ ل ده‌مژمێر 12 و 30 خۆله‌ك یێ نیڤرۆ ژ ئه‌گه‌ره‌كێ نه‌دیار ئاگر به‌ربوو كۆگه‌هیێن ساركرنا پتاتان ل ناحییا فه‌یدییێ و ئه‌ڤ ئاگره ب ریێا پێنچ بنگه‌هێن ئاگرڤه‌مراندنێ هاته ڤه‌مراندن.</span></h3> <h3 style="text-align: justify;"><span style="font-size: 18pt;">بێوار عبدالعزێز، په‌یڤدارێ رێڤه‌به‌رییا به‌ره‌ڤانییا باژێرى ل پارێزگه‌ها دهۆكى بۆ ئاژانسا خانى دیاركر، رێژه‌یه‌كا‌كا مه‌زن یا پتاتان دناڤ كۆگه‌هێن ساركرنێ دا هاتنه سۆتن هه‌تا نوكه زیان دیارنینن، زیان گه‌هشتینه جۆتیارێن خۆدانێن پتاتان كو ناڤ كۆگه‌ها ساركرنێدا هاتبوونه هه‌لگرتن و ئاماژه ب هندێ ژى دا، لیژنه‌یه‌‌كا ڤه‌كۆلینێ ل سه‌ر ڕوودانێ هاتییه پێكئێنان بۆ زانینا ئه‌گه‌رێن دروست یێن سۆتنا كۆگه‌هێن ساركرنێ.</span></h3> <h3 style="text-align: justify;"><span style="font-size: 18pt;">ئاشكه‌را كر، چ زیانێن گیانى دڤێ ڕوودانێدا نه‌بوون ب تنى زیانێن </span>دارای یێن مه‌زن هه‌نه، ب رییا پێنچ بنگه‌هێن ئاگرڤه‌مراندنێ ئه‌ڤ ڕوودانا مه‌زن هاته كۆنترۆلكرن.</h3>
