خانی نیوز:
كۆمارا ئیسلامیا ئیرانێ راگه‌هاند، چاڤێ وان ل گاڤێن سه‌رۆكێ نوو یێ ئه‌مریكایه و نه ل ناڤێ وى كه‌سی یه یێ دێ چار سالێن بهێت بیته سه‌رۆك.
سه‌عید خه‌تیبزاده، په‌یڤدارێ وه‌زاره‌تا ده‌رڤه‌یا ئیرانێ د ڤیدیۆ كۆنفرانسه‌كى دا راگه‌هاند، هه‌لویستى ئیرانێ رۆهن و ئاشكرایه، ئه‌و ل به‌ندێ نه كا به‌ربژارێ كیش پارتیا ئه‌مریكا دێ بیته سه‌رۆكێ نوو و ئه‌و گرنگیێ دده‌نه گاڤێن ئیدارا نوو پتر ژ ئه‌نجامێن هه‌لبژارتنان.
خه‌تیبزاده راگه‌هاند، یا دیاره هه‌ردو پارتێن ئه‌مریكا هه‌ست ب شكه‌ستنا خوه یا سیاسى دكه‌ن و دزانن چو ئارمانج بده‌ستڤه نه‌هاتینه، بۆ دانوستاندنێن د گه‌ل ئیرانێ ژى دا هه‌ردویان پلانه‌ك هه‌ڤپشك هه‌یه.
په‌یڤدارێ وه‌زاره‌تا ده‌رڤه‌یا ئیرانێ ئاشكرا ژى كر، هه‌ر سه‌رۆكه‌كێ قه‌ربه‌بوویا وان زیانان بكه‌ت یێن ئیران ژبه‌ر سزایان تووش بووى، دێ وه‌كه‌ت ئیران ڤه‌گه‌ریته سه‌ر مێزا دانوستاندنان، ب وێ یه‌كێ ژى شه‌رێ ل دژى نه‌ته‌وا ئیرانى دێ ب داوى هێت.
ئیران: چاڤێ مه ل گاڤێن ئیدارا نوو یا ئه‌مریكایه
