وەزارەتا ناڤخۆ یا عیراقێ ڕاگەهاند، د دەمێ 72 دەمژمێرێن بهێت دا، ئەنجامێن ڤەكۆلینێن ڕوودانا قەزا حەمدانییە دێ هێنە ڕاگەهاندن.
وەزارەتا ناڤخۆ یا عیراقێ د ڕاگەهاندنەكێ دا ئاشكەراكر عەبدولئەمیر ئەلشەمەری، وەزیرێ ناڤخۆ یێ عیراقێ سەرپەرشتییا كۆمبوونەكێ ل گەل لیژنەكا ڤەكۆلینان كر كو ب فەرمانا فەرماندێ گشتی یێ هێزێن چەكدار هاتبوو پێكئینان بۆ زانینا ئەگەرێن ڕوودانا قەزا حەمدانییە.
دیار ژی كر، ئەنجامێ ڤەكۆلینان د دەمێ 72 دەمژمێرێن بهێت دا دێ هێنە ڕاگەهاندن و كەڤنە بەر دەستێ سەرۆكێ حكومەتێ بۆ لیپرسینێ ل گەل لایەنێن كێم تەرخەم.
ل دویڤ زانیارییان، هەتا نوكە دەزگەهێن ئەمنی 14 تومەتبارێن وێ ڕوودانێ دەستەسەركرینە، كو 10 كرێكار و خۆدانێ هۆلێ و سێ كەسێن دی نە كو بەرپرس بوون ژ هەلكرنا یارییێن ئاگری دناڤا هۆلێ دا.
