خانی نیوز:
سه‌رۆكێ رۆسیا د په‌یوه‌ندیه‌كا ته‌له‌فونیدا دگه‌ل سه‌رۆكێ ئازه‌ربیجانێ و سه‌رۆك وه‌زیرێن ئه‌رمه‌نستانێ، ره‌وشا هه‌رێما قه‌ره‌باخ گۆتوبێژ كر.
كۆچكا سه‌رۆكایه‌تیا رۆسیا كرملێنێ د به‌یانه‌كێ دا راگه‌هاند، ڤلادیمێر پۆتین د په‌یوه‌ندیه‌كا ته‌له‌فۆنى دا دگه‌ل هه‌رئێك ژ ئیلهام عه‌لییف و نیكۆل باشینیان كێشه‌و ئالۆزیێن هه‌رێما قه‌ره‌باخ گۆتوبێژ كرن.
پێشتر هه‌رئێك ژ سه‌رۆكێ ئازه‌ربیجانێ وسه‌رۆكوه‌زیرێن ئه‌رمه‌نستانێ به‌رهه‌ڤیا خوه بۆ راگرتنا شه‌رى ل هه‌رێما قه‌ره‌باخ و ده‌سپێكرنا دانوستاندنان دیار كربوو، سه‌رۆكوه‌زیرێن ئه‌رمه‌نستانێ ژى به‌رهه‌ڤیا خوه بۆ سه‌ره‌دانا موسكو و كۆمبوونا د گه‌ل سه‌رۆكێ ئازه‌ربیجانێ دیار كرییه.
ل رۆژا بیست و حه‌فتێ ئیلۆنا ئه‌ڤساله، شه‌ر و پێكدادانێن دناڤبه‌را هێزێن ئازه‌ربیجانێو ئه‌رمه‌نستانێ ل هه‌رێما قه‌ره‌باخ دروستببوون، چه‌ندین جاران ژى هه‌ردو وه‌لات ل سه‌ر ئاگربه‌ستێ رازیبووینه، لێ تا نها ئه‌و شه‌ر و ئالۆزى به‌رده‌وامن.
پۆتین پرسا قه‌ره‌باخێ د گه‌ل ئازه‌ربایجان و ئه‌رمه‌نستانێ گۆتوبێژكرن
