د. نه‌هله‌ قادر: سه‌رۆك بارزانی گرنییه‌كا تایبه‌ت د ده‌ته‌ زانكۆیان

ئاژانسا خانی:

ئەندامه‌كا لژنا خواندنا بلند ل پەرلەمانێ عێراقێ دیار كر: دەستپێشخەرییا سەرۆک بارزانی ده‌ربارەیی پێشکێشکرنا ئاڤاهییێ بارەگایێ پارتی دیموكراتی كوردستان بۆ زانکۆیا کەرکووکێ كاره‌كێ نموونه‌یی بوویه‌ و هه‌رده‌م سەرۆک بارزانی پشته‌ڤانی و ھاریکارییا زانکۆیێن کوردستانێ كرییه و ‌دیسان” محه‌مه‌د  شیاع سوودانی” سه‌رۆك وه‌زیرێن عیراقێ ژی” ده‌ست خۆشی ل ڤێ بریارا سه‌رۆك بارزانی كرییه‌ و د هه‌مان ده‌مدا پارتی دێ ڤه‌گه‌ریته‌ڤه‌‌ كه‌ركووكێ و ئه‌م وه‌كو پارتی هه‌رده‌م ل گه‌ل ئارامییێ نه‌.

د. نەھلە قادر، زێده‌تر بۆ ئاژانسا خانی گۆت: ئه‌و دەستپێشخەرییا سەرۆک بارزانی بۆ کەرکووکێ و خه‌لكێ وێ جهێ ڕێز و پێزانینا ھەموو لایه‌یانه‌” بۆ پێشکێشکرنا بارەگایێ مەکتەبا ڕێکخستنا پارتی ل کەرکووکێ بۆ زانکۆیا کەرکووکێ، ئەڤێ چه‌ندێ ژ ئالییێ سیاسییڤە گرنگییه‌كا تایبه‌ت ھەیه‌ و بۆ کەرتێ خواندنا بلند پتر گرنگییا خۆ ھەیە، چونکی ب ڤێ بڕیارێ سەرۆک بارزانی جاره‌كا دی سەلماند” چەند پشته‌ڤانییێ ل پرۆسا خواندنێ و زانکۆیان دكه‌ت و پشتی سه‌رهه‌لدانێ ژی” سەرۆک بارزانی پشته‌ڤانی و ھاریکارییا زانکۆیێن کوردستانێ كرییه‌، دیسان ھەر بڕیار و پێشنیاره‌ك ده‌ربارەیی زانکۆیان بۆ سەرۆک بارزانی هاتبیته‌ كرن” سه‌رۆك بارزانی ئامادەییا خۆ نیشاندایە و ھاریکاری بۆ وان کرییە.

ناڤهاتییێ گۆت ژی: سوپاسییا وێ دیارییا ب بها یا سەرۆک بارزانی بۆ قوتابییێن کەرکووکێ دکەین، ئەڤه‌ چه‌ندین جاره‌ سەرۆک بارزانی هاریکارییان پیشکێشی قوتابی و زانکۆیان دكه‌ت، دخوازین ئه‌ڤ دەستپێشخەرییه‌ بۆ ھەموو زانكۆیێن کوردستانێ بهێنه‌ كرن.