سه‌رۆكێ هه‌رێما كوردستانێ سه‌ره‌خۆشى ل مالباتا ناجى ئه‌رگۆشى كر

سه‌رۆكێ هه‌رێما كوردستانێ سه‌ره‌خۆشى ل مالبات و كه‌سوكارێن نڤیسه‌ر ناجى ئه‌رگۆشى كر.

نێچیرڤان بارزانى سه‌رۆكێ هه‌رێما كوردستانێ دپه‌یوه‌ندییه‌كا تله‌فۆنیدا، سه‌ره‌خۆشى ل مالبات و كه‌سوكارێن، نڤیسه‌ر، میدیاكار و شه‌رڤانێ دیار خۆدێ ژێ رازى ناجى ئه‌رگۆشى كر، كو ناڤبرى ژ ئه‌گه‌رێ نه‌خۆشییه‌كێ وه‌غه‌ركر.

ل دووڤ ڕاگه‌هاندنا سه‌رۆكایه‌تییا هه‌رێما كوردستانێ، نێچیرڤان بارزانى هه‌ڤسۆزى و هه‌ڤخه‌مییا خوه‌ ب كه‌سوكارێن خۆدێ ژێ رازى ڕاگه‌هاند، خه‌بات و قوربانیدانێن خۆدێ ژێ رازى و و مالباتا وى د شۆره‌شێن ڕزگاركرنا كوردستانێدا بلند نرخاندن، هه‌روه‌سا هیڤى خواست، خۆدایێ مه‌زن گیانێ وى ب مه‌زنى و دلۆڤانییا خوه‌ شاد بكه‌ت، ئارامى و بێهنفره‌هییێ ب كه‌سوكارێن وى بده‌ت.

ژلایێ خۆڤه‌ مالباتا ناجى ئه‌رگۆشى سوپاسى و پێزانین بۆ په‌یوه‌ندى و سه‌ره‌خۆشی و هه‌ڤخه‌مییا سه‌رۆكێ هه‌رێما كوردستانێ د خه‌م و به‌هییا واندا ده‌ربرین.