بانكا ناڤه‌ندى دێ فرۆتنا زێرى ب ڕێیا ئه‌لیكترۆنى ده‌ستپێكه‌ت

بانكا ناڤه‌ندییا عیراقێ دڕاگه‌هاندنه‌كێدا ئاشكراكر، دێ ده‌ست ب فرۆتنا زێرى ب بانكێن حكومى و ئه‌هلى ب هه‌ردوو جۆرێن لیره‌ و قالبى كه‌ت.

ل دووڤ ڕاگه‌هاندنێ، ده‌ستپێكرنا فرۆتنا زێرى ژلایێ بانكێڤه‌ دێ ل ڕۆژا چارشه‌مبى هه‌شتى چریا دووێ ده‌ستپێكه‌ت، دێ ل دووڤ وان ڕێكاران بیت یێن ژلایێ بانكا ناڤه‌ندیڤه‌ هاتینه‌ ده‌ركرن.

ل دوو زانیارییان، پێشتر فرۆتنا زێرى ب رێكا ئه‌لیكترۆنى نه‌بوو، دێ بیته‌ جارا ئێكێ ئه‌ڤ رێیه‌ بۆ فرۆتنێ دهێته‌ بكارئینان، مامه‌له‌كرن و فرۆتن ژى دێ ب دینارێ عیراقى بیت نه‌كو دۆلارى.

ل دووڤ ڕێنمایێن بانكا ناڤه‌ندییا عیراقێ، پشكا هه‌ر بانكه‌كێ ژ كرینا ڕۆژانه‌ یا زێرى 20 لیره‌ و 20 قالبن، دڤێت ناڤێ كریارى ژى ب بانكێ بهێته‌ دان.