ئه‌و پێشمه‌رگه‌یێ نه‌هـ ملیۆن دینار ڤه‌گه‌ڕاندین لۆگۆیێ ده‌ستپاكییێ وه‌رگرت

ده‌سته‌یا ده‌ستپاكییا هه‌رێما كوردستانێ لۆگۆیێ ده‌ستپاكییێ پێشكێشى وى پێشمه‌رگه‌ى كر، یێ ل ده‌مێ وه‌رگرتنا مووچه‌ى نه‌هـ ملیۆن دینارێن زێده‌ ڤه‌گه‌ڕاندین، به‌رپرسێ ڕاگه‌هاندنا ده‌سته‌یێ ژى دبێژیت: ئه‌و پێشمه‌رگه‌یه‌ نموونه‌یه‌كه‌ بۆ ده‌ستپاكى و دلسۆزییێ، پێشمه‌رگه‌یژى گوت : وى ئه‌ڤ كاره‌ ب تنێ بۆ ئارامكرنا ووژدانا خوه‌ كرییه‌.

ده‌سته‌یا ده‌ستپاكییا هه‌رێما كوردستانێ ڕێز و سوپاسى و لۆگۆیێ ده‌ستپاكییێ پێشكێشى به‌شدار مه‌غدید حه‌مه‌د پێشمه‌رگه‌یێ ڕێڤه‌به‌رییا هه‌ماهه‌نگى و په‌یوه‌ندییێن وه‌زاره‌تا پێشمه‌رگه‌یێ كوردستانێ كر، كو ناڤبرى ل ده‌مێ وه‌رگرتنا مووچه‌یێ هه‌یڤا ته‌باخێ ، نه‌هـ ملیۆن دینارێن زێده‌ پێ هاتبوونه‌ دان.

سه‌رخێل هاشم به‌رپرسێ ڕاگه‌هاندنا ده‌سته‌یا ده‌ستپاكییا هه‌رێما كوردستانێ دیاركر، ئه‌و پێشمه‌رگه‌یه‌ نموونه‌یه‌ك ژ مه‌ردایه‌تى و ژێهاتییێ هاته‌ هژمارتن، ژبه‌ركو ب ڤه‌گه‌ڕاندنا وى پاره‌یێ زێده‌ دیاركر كو كه‌سه‌كه‌ خوه‌ و پیشه‌یا خوه‌ و ناڤۆده‌نگێن خوه‌ كوردستان ژى خۆش دڤێن.