کونسولێ گشتییێ ئەمریکا: ژ نێزیکڤە دووڤچوونا پرۆسا دەستپێکرنا هنارتنا نەفتا هەرێمێ دکەین

ئه‌ڤرۆ سێشەمبی، کەمال محەمەد سالح وەزیرێ کارەبێ و  سامانێن سروشتی یێ حكومه‌تا هه‌رێما كوردستانێ ل گەل مارک سترۆ کونسولێ گشتییێ ئەمریکا ل هەرێما کوردستانێ کۆمبوویە و د وێ دیدارێ دا کونسولێ گشتییێ ئەمریکا ل ‌هه‌رێما كوردستانێ خۆشحالییا خۆ بۆ وەبەرهێنانێ د کەرتێن کارەبێ، وزە و نەفتێ ل ‌هه‌رێما كوردستانێ دەربڕییه‌.

ده‌رباره‌یی بابه‌تێ دەستپێکرنا هنارتنا نەفتا هەرێما کوردستانێ، کونسولێ گشتییێ ئەمریکا راگەهاند، دزانین راوه‌ستاندنا نەفتێ کاریگەرییا خراب بۆ سەر داهات و کەرتێ گشتی ل هەرێمی کوردستان هەبوویە” ژ نێزیکڤە دووڤچوونا پرۆسا هنارتنا نەفتا هەرێما کوردستانێ دکەین و گۆت ژی، چارەسەرکرنا ئاریشا داهاتی و یاسایا نەفت و گازێ، دێ ژ ئەولەوییەتا سیاسەت و بەرنامێ واشنتۆن بیت.