سه‌رۆكوه‌زیرێن عیراقێ سه‌رپه‌رشتییا كۆمبوونا خۆله‌كا دییا بالیۆز و نوونه‌رێن عیراقێ ل وه‌لاتێن عه‌ره‌بى و بیانى كر و ڕاگه‌هاند، ئه‌و پابه‌ندن ب جهئینانا كارنامه‌یا كابینه‌یا وى ل سه‌ر ئاست و بوارێن جۆدا و هه‌ڤده‌م ب پێدڤى زانى، بالیۆز و نوونه‌رێن عیراقێ ژ ده‌رڤه‌ى گوزه‌رانییێ د بووچوون و سیاسه‌تێن حكومه‌تا عیراقێدا بكه‌ن.
محه‌مه‌د شیاع سوودانى سه‌رۆكوه‌زیرێن عیراقێ ب ئاماده‌بوونا فوئاد حسێن وه‌زیرێ ده‌رڤه یێ عیراقێ سه‌رپه‌رشتییا كۆمبوونا خۆلا حه‌فتێ یا بالیۆز و نوونه‌رێن عیراقێ ل وه‌لاتێن عه‌ره‌بى و بیانى كر و ژماره‌یه‌كا بابه‌ت و ته‌وه‌ران د كۆمبوونێدا هاتنه گوتوبێژكرن.
ل دووڤ ڕاگه‌هاندنا نڤیسینگه‌ها سه‌رۆكوه‌زیرێن عیراقێ، سوودانى د كۆمبوونێدا دووپاتى ل پابه‌ندبوونا حكومه‌تێ ب كارنامه‌یێ ب تایبه‌تى د ڕووبرووبوونا گه‌نده‌لى و كێمكرنا بێكارى و هه‌ژاری و چاكسازییا ئابووریدا كر.
هه‌روه‌سا به‌حسا پێشكه‌ڤتن و بلندكرنا ئاستێ كه‌رتێن نه‌فت و پیشه‌سازى و ستراتیجییا گازێ هاته كرن، ب پێدڤى هاته زانین كو عیراق د ماوێ سێ بۆ پێنج سالێن بهێن دا، بگه‌هیته ئاسته‌كى كو پێدڤییێن نافخۆ ژ به‌رهه‌مێ نه‌فت و گاز و سووته‌مه‌نییێن دى پڕ بكه‌ت.
ل دووڤ ڕاگه‌هاندا نڤیسینگه‌ها سه‌رۆكوه‌زیرێن عیراقێ، سوودانى دكۆمبوونێدا ژماره‌یه‌كا راسپارده‌یان ئاراسته‌یى بالیۆز و نوونه‌رێن عیراقێ ژ ده‌رڤه‌ى كر، ژ پێخه‌مه‌ت ب هێزكرنا په‌یوه‌ندییێن عیراقێ دگه‌ل وه‌لاتان ب تایبه‌تى ل سه‌ر ئاستێن، سیاسى، دیپلۆماسى، ئابوورى و مێژوویى.
