بەرەڤان حەمدی بەرپرسێ لقێ 18 یێ پارتی دیموکراتی کوردستان ڕاگەهاند، قوناغا دووێ یا گورانکاریان ل سنوورێ لقێ 18 دەستپێکر و ژ سۆبەهی دێ کەڤنە د بیاڤێ بجهئینانێ دا.
ئەڤرۆ د کۆمبوونا ئاسایی یا دەستەیا کارگێری یا لقێ هەژدە یێ پارتی دیموکراتی کوردستان دا، ب سەرپەرشتیا بەرەڤان حەمدی بەرپرسێ لقێ، ڕاوێژ و ئالوگوریا را و بوچوونان و دانوستاندنەکا تێروتەسەل سەبارەت گورانکاری و ئالوگوریان ل کارگێریێن لژنێن ناوچەیان هاتەکرن، تێدا بڕیار هاتەدان کو گورانکاری و ئالوگوری بهێنە ئەنجامدان و ب ڤی ڕەنگی سۆبەهی بڕیار دێ چنە د بیاڤێ بجهکرنێدا و تێدا ئالوگوری ل هەمی پشکێن لژنێن ناوچەیان و هەروەسان گورانکاری ل هند ژ کارگێرین ناوچەیان دێ هێنە کرن ژ بۆ پێشخستنا کارێ پارتایەتی و ڕێکخستنێ و ژ پێخەمەت بەرژەوەندیا گشتی بو وێ چەندێ کو گەرم و گوریەکا باشتر ب ڕێکخستنێن پارتی بهێتەدان و دیسان وزەکا باشتر ل لژنەیێن ناوچەیان دروست ببیت
هەروەسان بەرپرسێ لقێ 18 دیارکر، ئەڤ گورانکاریە پرانیا کارگێرێن لژنەیێن ناوچەیان بخوڤە دگریت و ل دویف ڤێ قوناغێ دا، قوناغا گوهرینان ل بەرپرسێن ڕێکخراوان و بنکەیان کو بربرا پشتێ و بنەمایێ کارێ پارتایەتینە دێ کار لسەر هێتەکرن و کار بۆ نویبونەڤەیێ یە لگورەی پەیرەو و پروگرامێ کونگرێ ١٤ێ یێ پارتی دیموکراتی کوردستان برێڤەدچیت.
