ئاژانسا خانی:
ئەندامه‌كێ لژنا نه‌فت و گازێ ل پەرلەمانێ عێراقێ دیار كر: سەره‌دانا وەزیرێ نەفتا عێراقێ بۆ تێچوویێ دەرخستنا نەفتا کوردستانێیە، ئەو تێچوویێ حکومەتا عێراقی دەستنیشان کری بۆ دەرخستنا نەفتێ ل هەرێما کوردستانێ، ل چاڤ تێچوویێ ده‌ڤه‌رێن دیتر یێن عێراقێ گه‌له‌ك یێ کێمە” هه‌روه‌سا تێچوویێ ده‌رخستنا نه‌فتێ ل هه‌رێما كوردستانێ جۆداهی ل گه‌ل عێراقێ هه‌یه” ژ ئه‌گه‌رێ هندێ كو هه‌ڤبه‌ستێن هه‌رێمێ هه‌ڤبه‌ستێن شه‌راكه‌تێ نینن” دیسان ئه‌و كۆمپانییێن ده‌ستپێكێ لدووڤ دیتنا نه‌فتێ گه‌ریاین” پاره‌كێ مه‌زن مه‌زاختییه هه‌تاكو نه‌فت ده‌رخستی” ئه‌ڤێ وه‌كرییه كو تێچوویێ ده‌رخستنا نه‌فتێ ل هه‌رێما كوردستانێ زێده‌تر دبیت ژ ده‌رخستنا نه‌فتێ ل ناڤه‌راست و باشوورێ عیراقێ.
د. سەباح سوبحی، زێده‌تر بۆ ئاژانسا خانی گۆت: سەره‌دانا وەزیرێ نەفتا عێراقێ بۆ هەولێرێ، د چارچۆڤێ سەره‌دانا محەمەد شیاع سوودانی دا بوویه” کو به‌ری چەند رۆژان سەره‌دانا هه‌رێما كوردستانێ كربوو” د كۆمبوونێن خۆ دا ل گه‌ل سەرۆک بارزانی و مەسرور بارزانی، سەرۆکێ حکومەتێ، به‌حسێ ئاریشێن دناڤبه‌را به‌غدا و هه‌ولێرێ دا هاتبوونه كرن، گرنگترین تەوەرێن وان کۆمبوونان ژی” مووچێ فه‌رمانبه‌رێن هه‌رێمێ و دۆسیه‌یا نه‌فتێ بوویه” هه‌روه‌سا هنارتنا نه‌فتا هه‌رێمێ ل ده‌مه‌كێ نێزیك دێ ده‌ستپێكه‌ت” دیسان توركیا ژی به‌رهه‌ڤییا خۆ دیار كرییه” بۆ ده‌ستپێكرنا هنارتنا نه‌فتا هه‌رێمێ” ژ ئه‌گه‌ری راگرتنا نه‌فتا هه‌رێمێ هه‌تا نوكه نێزیكی 8 ملیار دۆلاران زیان گه‌هشتییه حكومه‌تا هه‌رێما كوردستانێ” دیسان ئه‌ز ب هیڤی مه كو ل ده‌ستپێكا هه‌یڤا كانوونا ئێكێ یا سالا 2023 ێ” جاره‌كا دی نه‌فتا هه‌رێمێ بۆ ده‌رڤه بهێته ره‌وانه‌كرن” هه‌كه تێچوویێ ده‌رخستنا نه‌فتێ ئه‌وێ ل عیراقێ هاتییه ته‌رخان كرن” ده‌ستكاری تێدا بهێته كرن” دێ باشتر بیت.
ناڤهاتی ئاشكرا كر ژی: سەره‌دانا ڤێ جارێ یا وەزیرێ نەفتا عێراقێ بۆ هه‌رێما كوردستانێ، د چارچۆڤێ وان دانوستاندنێن دناڤبه‌را حکومەتا هەرێمێ و وەزارەتا نەفتا عیراقێ بوویه، ڤێ جارێ بابەتێ گرنگ یێ تێچوویا ده‌رخستنا نه‌فتێ یه، ئەو تێچوویێ هاتییه دەستنیشان کرن بۆ دەرخستنا نەفتێ ل هەرێما کوردستانێ، ب هه‌ڤبه‌ر كرن ل گه‌ل وی تێچوویێ حکومەتا عێراقێ دانایی گه‌له‌ك یێ کێمە” هه‌روه‌سا هه‌ڤبه‌ستا وان کۆمپانییێن ب هه‌ڤبه‌ستا شەراکەتێ دهێته دانان، تێچوویێ دەرخستنا نه‌فتێ گه‌له‌ك پتره، ژ 6 دۆلاران، ئه‌ڤێ ژی وه‌کرییە كو کۆمپانی داخوازا مافێن خۆ بکەن.
