<h3 style="text-align: justify;"><span style="font-size: 18pt;">د ڕێوره‌سمه‌كیدا ب ئاماده‌بوونا ( ئه‌لیساندرۆ به‌تیلۆچیۆ ) سه‌رۆكێ لژنه‌یا په‌یوه‌ندییێن ده‌رڤه یێ فراكسیۆنا فۆرزا ئیتالیا ل په‌رله‌مانێ ئیتالیا و ( لۆدۆڤیكۆ سپیلى ) به‌رپرسێ په‌یوه‌ندییێن ده‌رڤه یێن لاوێن دیموكراتا ئیتالیا ( گیۆڤانى فۆرزا ئیتالیا ) و فه‌لاح حه‌سه‌ن سه‌رۆكێ كۆنگرێسێ لاوێن كورد ژ ده‌رڤه‌ى وه‌لاتى، ب فه‌رمى لاوێن ئیتالیا پشته‌ڤانى و هه‌ڤپه‌یمانییا خوه یا ستراتیجى دگه‌ل كۆنگرێسێ لاوین كورد ڕاگه‌هاند.</span></h3> <h3 style="text-align: justify;"><span style="font-size: 18pt;">فه‌لاح حه‌سه‌ن سه‌رۆك و دامه‌زرێنه‌رێ كۆنگرێسێ لاوێن كورد ڕاگه‌هاند، ئه‌و پیرۆزباهییێ ل گه‌لێ خوه ب تایبه‌تى گه‌لێ هه‌رێما كوردستانێ دكه‌ن، بۆ ڤێ پێنگاڤا مه‌زن و سه‌ركه‌ڤتى، لاوێن سیاسییێن ئیتالیا بوونه ئێكه‌م هه‌ڤپه‌یمانێن ستراتیجیێن وان، ئه‌ڤه ده‌ستپێكه و دێ ل سه‌ر ڤى شێوازێ نوو یێ لۆبى د به‌رده‌وامبن.</span></h3> <h3 style="text-align: justify;"><span style="font-size: 18pt;">كۆنگرێسێ لاوێن كورد (KYC) كو ل ئادارا سالا 2020ێ ژ ده‌رڤه‌ى وه‌لاتى هاتییه دامه‌زراندن ئارمانج ژێ ئه‌وه وه‌كو هه‌رێما كوردستانێ و حكومه‌تا وێ كار بۆ ب هێزكرنا لۆبییا كوردستانێ و زێده‌كرنا دۆستایه‌تى و په‌یوه‌ندییێن نێڤده‌وله‌تییێن هه‌رێمێ بكه‌ن، فه‌لاح حه‌سه‌نى گوت: گه‌لێ كورد خۆدان ده‌وله‌تا سه‌ربه‌خۆ نینه، له‌وما هندى دوست و هه‌ڤپه‌یمانێن نێڤده‌وله‌تى هه‌بن باشتره.</span></h3>
