نڤێسینگەها سەرۆکوەزیرێن عێراقێ راگەهاند، د چارچۆڤێ دووڤچوونان دا ل سەر رێكارێن چاکسازییا بانکی، ئەڤرۆ سێشەمبی، سەرۆکوەزیرێن عێراقێ، محەمەد شیاع سوودانی، ل گەل وەزیرێ دارایی و پارێزگارێ بانکا ناڤەندی و رێڤەبەرێن بانکێن حکومی کۆمبوویە و د وێ کۆمبوونێ دا دووڤچوون بۆ میکانیزم و رێکارێن کارکرنێ، ل چاکسازییێن کارگێڕییا بانکان دا هاتییه کرن.
سوودانی بریاردایه هه‌موو رێڤەبەرێن بانکێن حکومی، پلانه‌كێ ئامادە بکەن و د ده‌مێ هه‌یڤه‌كێ دا پێشکێش بکه‌ن، بۆ پێشخستنا کارێن بانکان کو بکارئینانا باشترین ژێده‌رێن دارایی و مرۆڤی و تەکنیکی ڤه‌دگریت، ڤه‌گوهاستن ژ کارێ کاغەزی بۆ کارێ ئۆتۆماتیکی، مامەلەکرنا ئەلیکترۆنی بۆ هەموو چالاکییێن بانکی، به‌رفره‌هکرنا خزمەتگوزارییێن پارەدانا ئەلیکترۆنی.
