<h3 style="text-align: justify;"><span style="font-size: 18pt;">دادگهها فیدرالییا عیراقێ، محهمهد حهلبووسى ژ پۆستێ سهرۆكایهتییا جڤاتا نوونهرێن عیراقێ لادا، ئهندامهتییا وى ژى ل پهرلهمانى ب دووماهى ئینا.</span></h3> <h3 style="text-align: justify;"><span style="font-size: 18pt;">چیایى تهیمور ئهندامێ جڤاتا نوونهرێن عیراقێ بۆ ئاژانسا خانى ئاشكراكر، ئهڤ لادانا حهلبووسى ژ ئهنجامێ سكالایا لهیس ئهلدلێمى كو ئێك ژ ئهندامێن جڤاتا نوونهرایه هات، بهرى نوكه حهلبووسى دهستكارى د چهند نڤیسارێن فهرمى یێن پهرلهمانیدا كربوو، دوو جاران دلێمى بۆ سهرۆكایهتییا لژنهیێن پهرلهمانى هاتبوو ههلبژارتن، لێ حهلبووسى هندهك كهسێن دى ل جهێ وى د دانان، ههروهسا دهستكارى د ژماره و مێژوویاندا دكر، ل دادگههێ ئهڤ چهنده ل سهر هاته دووپاتكر و ژ سهرۆكایهتییا پهرلهمانى هاته لادان.</span></h3> <h3 style="text-align: justify;"><span style="font-size: 18pt;">زێدهتر گوت: بریارێن دادگهها فیدرالى دڤهبرینه و دهرفهتا تانهدانێ تێدا نینه، ل دووڤ رێككهڤتنێن سیاسى پۆستێ سهرۆكایهتییا جڤاتا نوونهران بۆ سننهیانه، ل دهمێن بهێن ل جڤاتا نوونهران دهنگ دان بۆ ههلبژارتنا سهرۆكهكێ نوو یێ سننه هێتهكرن.</span></h3> <h3 style="text-align: justify;"><span style="font-size: 18pt;">ههروهسا چیاى تهیمورى دیاركر، ئهڤه بریارا دادگهها فیدرالى دربهكێ گرانبوو، بوو حهلبووسى و دێ ههلویستێ وى د پرۆسهیا سیاسییا عیراقێدا ههتا ڕادهیهكێ مهزن لاواز كهت.</span></h3>
