سپێدەهییا ئەڤرۆ ڕۆژا چارشەمبی نێچيرڤان بارزانى، سه‌رۆكێ هه‌رێما كوردستانێ پێشوازى ل ئێريك شۆڤاليێ، باليۆزێ فره‌نسا ل عیراقێ كر.
سه‌رۆكێ هه‌رێما كوردستانێ و باليۆزێ فره‌نسا، دووماهیك پێشهاتێن پرۆسەیا سیاسی ل عیراقێ، پەیوەندییێن هەولێر و بەغدا، بزاڤێن دەستپێكرنا هنارتنا پەتڕۆلا هەرێما كوردستانێ، پەیوەندییێن فرەنسا دگەل عیراق و هەرێما كوردستانێ، ڕەوشا ڕۆژهەلاتا ناڤەڕاست و كاریگەری و ئەنجامێن وێ گۆتۆبێژكرن.
نێچيرڤان بارزانى د بەردەوامییا دانوستاندنێدا چارەسەركرنا ئاریشەیێن دناڤبەرا هەولێر و بەغدا و سەرەدانا ئەڤێ دووماهیكێ یا سەرۆكوەزیران و وەزیرێ پەتڕۆلا عیراقێ بۆ هەولێرێ ب ئەرێنی قەلەمدا و دووپات ل خواستنا هەرێما كوردستانێ بۆ چارەسەركرنا ئاریشەیان دگەل حكومەتا عیراقا فیدڕال لسەر بنەمایێ دەستووری كر.
لدۆر ڕەوشا ئالۆز یا ڕۆژهەلاتا ناڤەڕاست، هەردوو لایان بەحس ل بزاڤێن ڕێگرییێ ل ته‌شه‌نه‌سا‌ندنا زێدەتر یا ڕەوشێ كر و داكۆكی ل گرنگییا پاراستنا ئارامى و سه‌قامگيريیا عیراقێ كر. هەردوولا د هەڤڕا بوون لسەر هندێ كو عیراق نەبیتە پشكەكا ئالۆز و سلامەتییا هێزێن هەڤپەیمان و ديپلۆماتكاران پاراستی بن.
