سهرۆك مهسعوود بارزانى پێشوازى ل ڤۆلكهر پێرسێس سهرۆكێ تیما سهربهخۆ یا پێداچوونا ستراتیجى ب ئهركێ هنارتییێ رێكخراوا نهتهوهیێن ئێكگرتى ل عیراقێ ( بونامى ) و شاندێ دگهلدا كر.
د دیدارهكێدا ڤۆلكهر پیرسێس ئارمانجێن سهرهدا خوه بۆ عیراقێ و پلانا پێداچوونێ ب ئهرك و كارێن تیمێن سهرب نهتهوهیێن ئێكگرتیڤه ل عیراقێ و ههماههنگییا دگهل حكومهتا عیراقا فیدرال و حكومهتا ههرێمێ ل سالا بهێت دیاركرن.
د پشكهكا دییا دیدارێدا، سهرۆك بارزانى سوپاسییا ڕێكخراوێن سهر ب نهتهوهیێن ئێكگرتیڤه كر كو ل سالێن بوورى ڕۆلهكێ باش د هاریكاریكرنا پرۆسهیا سیاسییا عیراقێ و چارهسهركرنا قهیراناندا گێران.
ههروهسا سهرۆك بارزانى كورتییهك ژ مێژوویا دهستێوهردانێن ههرێمى ل عیراقێ و تۆندرهوى و تایڤهگهرى و قهیرانان و وان نههامهتییان كر، یێن ب سهرێ گهلێ كوردستانێ و عیراقێ هاتین، داخواز ژى كر، ئاریشهیێن عیراقێ ژ چارچووڤێ دهستوورى بهێنه چارهسهركرن و دووپاتى ژى ل هندێ كر، ئامادهبوونا رێكخرا نهتهوهیێن ئێكگرتى و بهردهوامییا كارێن وان هاریكارن بۆ باشتربوونا پرۆسهیا سیاسى و ب دهستخستنا سهقامگێرییا عیراقێ و چارهسهركرنا ئاریشهیان.
رهوشا سیاسییا دهڤهرێ و گهف و ههڤركییێن بهردهم سهقامگێرییا عیراقێ و دهڤهرێ تهوهرهكێ دییێ وێ ڕوونشتنێ بوو.
