عەلی خەلیل: پشتی ھەلبژارتنێن جڤاتێن پارێزگه‌هان پارتی دێ چەندین پۆستان ل پارێزگه‌ها نەینەوا وەرگریت

ئاژانسا خانی:

بەرپرسێ لقا 14 یا پارتی دیموكراتی كوردستان ل نه‌ینه‌وا دیار كر: لیستا  197 یا پارتی ھەموو پێکهاتێن باژێرێ نەینەوا بخۆڤه‌ دگریت و مه‌ وه‌كو پارتی سەلماندییه‌ كو فراكسیۆنا پارتی ل جڤاتا پارێزگه‌ها نەینەوا ژ بۆ خزمه‌تكرنا خه‌لكی كار دكه‌ت.

عەلی خەلیل، زێده‌تر بۆ ئاژانسا خانی گۆت: لیستا پارتی بۆ جڤاتا پارێزگه‌ها نەینەوا لیستا ھەموو پێکھاتێن نەینەوایە و مه بۆ ڤان هه‌لبژارتنان‌ 52 کاندید ھەنە کاندیدێن پارتی ژ ھەموو پێکھاتێن وێ پارێزگه‌هێ پێكدهێن، ژ وان 52 کاندیدێن لیستا پارتی 14 کاندید عەرەبن و ھەشت کاندید ژی کوردێن ئێزدینه‌ و هه‌روه‌سا کاندیدێن کوردێن کاکەیی و ھەموو پێکھاتان تێدا هه‌نه‌.

ناڤهاتی گۆت ژی: فراكسیۆنا پارتی ل جڤاتا پارێزگه‌ها نەینەوا نوونه‌را ڕاستەقینە یا خەلكێ وی باژێرییه‌ و بۆ بەرژەوەندییا وه‌لاتییان کار دکەت” ل خولا بوری یا جڤاتا پارێزگه‌ها نه‌ینه‌وا پارتی ھەشت ئەندام ژ سه‌رجه‌مێ 36 ئه‌ندامین جڤاتێن پارێزگه‌هان ل نه‌ینه‌وا هه‌بوون” ڤێ جارێ ئه‌ندامێن جڤاتێن وێ پارێزگه‌هێ دێ بنه‌ 26 و ڤێ جارێ ژی مه‌ لبه‌ره‌ هه‌شت ئه‌ندامێن جڤاتێن پارێزگه‌ها نه‌ینه‌وا مسۆگه‌ر بكه‌ین، هه‌روه‌سا پشتی ھەلبژارتنان ب ڕێککەفتن دێ ل گه‌ل فراكسیۆنێن دیتر یێن جڤاتێ حکومەتا خۆجهییا نه‌ینه‌وا پێکئینین و و پارتی ژی دێ چەندین پۆستێن گرنگ ل نه‌ینه‌وا ب ده‌ستڤه‌ ئینیت.