<h3 style="text-align: justify;"><span style="font-size: 18pt;">داهێنهرهكێ كورد ل بهلجیكا جۆرهكێ نوو یێ پاترییا ترۆمبێلێ داهێنا و ههر زوو كۆمپانییێن مهزنێن جیهانێ وهكو ڤۆلكس ڤاگن، ئودى و بى ئێم دهبلیۆ ههڤبهست دگهلدا گرێدا، د پێنگاڤا ئێكێ ژى دا ئێكهتییا ئورۆپا هاریكارییا داهێنهرێ كورد كر و چهند ههڤبهست بۆ دروستكرنا كارگههان ل وهلاتێن بۆلگاریا، رۆمانیا و بهلجیكا ب كوژمێ زێدهتر ژ ئێك ملیار یورۆیان گرێدان.</span></h3> <h3 style="text-align: justify;"><span style="font-size: 18pt;">پرۆفیسۆر نهوشین عومهر داهێنهرهكێ كورده، پێشتر ل زانكۆیا برۆكسل رێڤهبهرێ پشكا تهكنۆلۆجیایێ بوو، د داخویانییێن رۆژنامهڤانیدا دیاركر، وى جۆرهكێ نوو یێ پاتریا ترۆمبێلێ داهێنا و دوستێ ژینگههێیه، پاترى ب شێوازهكى هاتییه دروستكرن كو چ ماددهیێن كیمیایى د پێكهاتهیێن وێدا نینن و زیان بۆ ساخلهمییا مرۆڤى ژى نینه.</span></h3> <h3 style="text-align: justify;"><span style="font-size: 18pt;">ههروهسا ڕاگههاند، ئهو گهلهك یێ كهیفخۆشه شیایى ڤێ داهێنانێ بكهت، كو دوستێ ژینگههێیه و چ زیان بۆ وهلاتییان نینه، هیڤییا وى ئهوه ئهڤ داهێنانه ل دهمهكێ نێزیك بگههیته كوردستانێ داكو وهلاتییێن كوردستانێ ژى مفاى ژێ ببینن.</span></h3> <h3 style="text-align: justify;"><span style="font-size: 18pt;">بریاره ل دووماهییا ڤێ ههیڤێ ب ئامادهبوونا بهرپرسێن ئورۆپى و بهلجیكى كارگهها دروستكرنا پاترییا دوستێ ژینگههی ل بهلجیكا ب فهرمى بهێتهڤهكرن، د كارگههێدا دهرفهتا كارى دێ بۆ 50 كهسان ژ 25 نهتهوهیێن جۆدا هێته دابینكرن، ههیم عومهر رێڤهبهرێ كۆمپانییێ كو كهسهكێ كورده دیاركر، وان نیاز ههنه دگهل بهرفرههبوونا كۆمپانییێ، ل پاشهرۆژێ دهرفهتا كارى بۆ زێدهتر ژ 12 كهسا دابین بكهن.</span></h3>
