قایمقامێ قەزا مێرگەسۆر دیار كر، رۆژانە نێزیکی دو هزار و 300 گەشتیار ل دەرگههێ سنوورییێ زێت یێ دناڤبهرا هەرێما کوردستانێ و باکوورێ کوردستانێ هاتنوچوونێ دکەن و ئهڤ ساله چهندین پرۆژێن خزمەتگوزاری ل کەرتێن رێكوپران و ئاڤێ و کارەبێ ل سنوورێ وێ قەزایێ هاتینه بجهئینان.
غەفوور ئەحمەد، گۆت ژی” پرۆژێ رێیا پیران- مێرگەسۆر ب درێژاهییا 9 کیلۆمەتران و ب كۆژمێ نێزیکی دو ملیار دیناران هاتییه بجهئینان و پتر ژ 90% ێ کارێن وێ هاتینه تەمام کرن و ب تنێ شۆلدەر و هێلکاری مایە و هەروەسا رێیا گوندێ بابکە ب كوژمێ 700 ملیۆن دیناران هاتییه بجهئینان.
نوكه ئهو دەرگههه بۆ هاتنوچوونا گەشتیارانه و رۆژانە نێزیکی 2300 کەس هاتنوچوونێ د وی دهرگههی دا دکەن، نوكه ئهم کاری بۆ هندێ دکەین رێیا وی دەرگههی قێر بکەین.
