<h3 style="text-align: justify;"><span style="font-size: 18pt;">وهزارهتا بهرگرییا عیراقێ د گازییهكێدا داخوز ژ ههموو ئهندامێن لیوایا 20 یا ههڤپشك كرییه پهیوهندییێ ب بنگههێن راهێنانان یێن پارێزگههێن كهركوك، مووسل و دیاله بكهن.</span></h3> <h3 style="text-align: justify;"><span style="font-size: 18pt;">وهزارهتا بهرگرییا عیراقێ داخوازكرییه، ههموو ئهندامێن لیوایا 20 یا ههڤپشك ل رۆژا دووى چرییا ئێكێ یا 2023ێ پهیوهندییێ ب بنگههێن راهێنانان یێن پارێزگههێن كهركوك،مووسل و دیاله بكهن.</span></h3> <h3 style="text-align: justify;"><span style="font-size: 18pt;">ل رۆژا شهمبی (18 چرییا دووێ 2023) شاخهوان عهبدوللا جێگرێ سهرۆكێ پهرلهمانێ عیراقێ ڕاگههاند، ئهڤ شهڤه دگهل عهبدولئهمیر یارهللا، سوپاسالارێ عیراقێ دهربارهی لیوایا 20 كۆمبووینه و بریارهاته دان ههموو ئاستهنگ بهێنه لادان و فهرمانا دهستبكاربوونێ بۆ بهێته دهرخستن و مووچێ ههیڤا 12 بۆ بهێته دابینكرن.</span></h3> <h3 style="text-align: justify;"><span style="font-size: 18pt;">ل (25ی خزیرانا 2023) سابت محهمهد عهباس، وهزیرێ بهرگرییا عیراقێ ڕاگههاندبوو، پێكئینانا لیوایا 20 یا ههڤپشك دناڤبهرا سوپایێ عیراقێ و هێزێن پێشمهرگهیدا د قانوونا بودجهیا گشتییا عیراقێدا جهگیركرینه و پشتی بهلاڤكرنا قانوونێ د رۆژناما وهقائعدا، ب ههماههنگی و كاركرن دگهل هێزێن پێشمهرگهی لیوایا 20 دێ هێته پێكئینان.</span></h3> <h3 style="text-align: justify;"><span style="font-size: 18pt;">وهزیرێ بهرگرییا عیراقێ گۆت: لیوایا 20، لیوایهكا تمام ههڤپشكه و ئێكه ژ پێشنیازێن دناڤ بودجهیا گشتییا عیراقێدا، سوپاس بۆ خودێ پێئكئینانا وێ هاته پهسهندكرن و لیوای بۆ ههماههنگی و كاركرنێ دگهل هێزێن پێشمهرگهی هاته پێك ئینان.</span></h3>
